اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے جمعرات کو تصدیق کی کہ جیسن گلیسپی کے استعفیٰ کے بعد پاکستان کے سابق فاسٹ باولر عاقب جاوید کو قومی مردوں کی ٹیم کا عبوری ریڈ بال ہیڈ کوچ نامزد کیا گیا ہے۔
ریڈ بال کے ہیڈ کوچ کے طور پر عاقب کی پہلی اسائنمنٹ پاکستان مینز ٹیم جنوبی افریقہ کے خلاف دو میچوں کی ٹیسٹ سیریز ہوگی۔
پہلا ٹیسٹ 26 سے 30 دسمبر تک سنچورین کے سپر اسپورٹ پارک میں شیڈول ہے دوسرا ٹیسٹ 3 سے 7 جنوری تک کیپ ٹاؤن کے نیو لینڈز کرکٹ گراؤنڈ میں کھیلا جائے گا۔
پاکستان مردوں کی ٹیم اس وقت جنوبی افریقہ میں تین میچوں کی ٹی ٹوئنٹی سیریز کے بعد تین ون ڈے میچوں کی سیریز کھیل رہی ہے۔
