Important decisions taken in ICC Board meeting, number of teams in Women's World Cup increased to 10-ICC
دبئی میں ہونے والی انٹرنیشنل کرکٹ کونسل (آئی سی سی) کی بورڈ میٹنگ میں ویمن ورلڈ کپ میں ٹیموں کی تعداد 8 سے بڑھا کر 10 کرنے کی منظوری دے دی گئی۔
اجلاس میں اولمپکس 2028ء کے لیے مینز اور ویمن کرکٹ ایونٹس میں 6، 6 ٹیموں کی شمولیت کی بھی توثیق کی گئی۔
آئی سی سی اعلامیے کے مطابق ایسوسی ایٹ ممالک کے فنڈز میں 10 فیصد اضافہ کیا جائے گا جبکہ ویڈیو گیمز کے حقوق کے لیے ٹینڈر جاری کرنے کی منظوری بھی دی گئی۔ حاصل شدہ فنڈز کرکٹ کے انفراسٹرکچر اور ترقیاتی منصوبوں پر خرچ ہوں گے۔
اجلاس میں پاکستان کرکٹ بورڈ کے چیئرمین محسن نقوی نے بھی شرکت کی ذرائع کے مطابق ایشیاء کپ ٹرافی کا معاملہ ایجنڈے میں شامل نہیں تھا، تاہم غیر رسمی گفتگو میں کچھ بورڈ ممبران نے دونوں ممالک پر زور دیا کہ یہ معاملہ باہمی افہام و تفہیم سے حل کیا جائے۔
محسن نقوی نے اس موقع پر کہا کہ ایشیاء کپ ٹرافی کا تنازعہ جلد حل ہونا چاہیے۔
