Hardik Pandya announced his separation from his wife Natasa
ہاردک پانڈیا نے اہلیہ نتاسا سے علیحدگی کا اعلان کر دیا
اردو انٹرنیشنل (اسپورٹس ڈیسک )تفصیلات کے مطابق بھارتی آل راؤنڈر ہاردک پانڈیا اور ان کی اہلیہ نتاسا اسٹینکووچ نے چار سال کی شادی کے بعد علیحدگی کا اعلان کر دیا ہے۔
اسٹار کرکٹر نے علیحدگی کی تصدیق انسٹاگرام پر ایک پوسٹ میں کی.
انہوں نے لکھا کہ ہم نے مل کر اپنی پوری کوشش کی اور اپنا سب کچھ دیا اور ہمیں یقین ہے کہ یہ ہم دونوں کے بہترین مفاد میں ہے یہ ہمارے لیے ایک مشکل فیصلہ تھا، اس خوشی، باہمی احترام اور رفاقت کو دیکھتے ہوئے، جس کا ہم نے ایک ساتھ لطف اٹھایا ہم نے ایک خاندان بڑھایا.
پانڈیا نے کہا کہ ہم اپنے بیٹے اگستیا کی پرورش کووالدین کے طور پر کریں گے.
انہوں نے کہا کہ والدین کی حیثیت سے وہ دونوں اس بات کو یقینی بنائیں گے کہ بیٹے کو اس کی خوشی کے لیے وہ سب کچھ دیں جو وہ کر سکتے ہیں۔
پانڈیا نے مداحوں اور پیروکاروں سے “اس مشکل اور حساس وقت میں” حمایت اور رازداری کی درخواست کی۔
ہاردک اور نتاسا نے تقریباً ایک سال کی صحبت کے بعد 2020 میں شادی کے بندھن میں بندھ گئے اور اسی سال اپنے بیٹے اگستیا کا استقبال کیا۔
این ڈی ٹی وی کے مطابق، جوڑے نے 2023 میں ادے پور میں ایک عیسائی تقریب اور روایتی ہندو رسومات کے ذریعے اپنے عہد کی تجدید کی۔
