اردو انٹرنیشنل(اسپورٹس ڈیسک) تفصیلات کے مطابق پاکستان کے بلے باز فخر زمان نے قومی ٹیم کے لیے کھیلتے ہوئے تمام فارمیٹس میں اپنے پسندیدہ بیٹنگ پارٹنر کا نام دیا ہے۔
فخر نے ایک مقامی اسپورٹس پلیٹ فارم سے بات کرتے ہوئے سفید گیند کے کپتان بابر اعظم کو بلے بازی کے لیے اپنی ترجیح قرار دیاانہوں نے بابر کی اسٹرائیک کو آسانی سے گھمانے اور میچوں کے دوران دباؤ کو کم کرنے کی صلاحیت کو سراہا۔
فخر نے کہا کہ میں نے ٹیسٹ ون ڈے اور ٹی ٹوئنٹی کھیلے ہیں اور میں نے تقریباً 11 یا 12 پارٹنرز کے ساتھ بیٹنگ بھی کی ہے ہر فارمیٹ میں تجربہ مختلف رہا ہے لیکن سچ پوچھیں تو مجھے بابر اعظم کے ساتھ بیٹنگ کرنے میں سب سے زیادہ مزہ آتا ہے۔
انہوں نے مزید کہا کہ بابر ،ڈاٹ گیندوں کو کم سے کم کرتا ہے اس لیے مجھ پر دباؤ کم ہے اگرچہ میں جارحانہ انداز میں کھیلتا ہوں لیکن میرا کام نان اسٹرائیکر کے لیے کھیل کو آسان بنانا ہے جب بھی میں بابر، کے ساتھ کھیلتا ہوں، مجھے لگتا ہے کہ وہ میرے لیے آسانیاں پیدا کرتا ہے ٹھیک ہے کیونکہ یہ ضروری نہیں ہے کہ ہر بار باؤنڈری لگا کر رنز بنائے.
جس طرح سے وہ اسٹرائیک کو روٹیٹ کرتا ہے یا باؤنڈریز کے لیے ڈھیلی گیندوں کا فائدہ اٹھاتا ہے اس سے مجھے خوشی ملتی ہے اور اس کے ساتھ کھیلنا ایک خوشگوار تجربہ ہوتا ہے ۔
واضح رہے کہ فخر نیوزی لینڈ کے خلاف 18 اپریل سے شروع ہونے والی پانچ میچوں کی سیریز کے لیے ٹی ٹوئنٹی اسکواڈ کا حصہ ہیں۔
