جنرل( ر)فیض حمید نے آرمی چیف بننے کیلئے ہمارے خلاف کارروائیاں کروائیں،علیم خان
ٹیکسلا میں استحکام پاکستان پارٹی کا جلسے سے خطاب کرتے ہوئےاستحکام پاکستان پارٹی کے صدر علیم خان نے کہا کہ جنرل ریٹائرڈ فیض حمید نے آرمی چیف بننے کیلئے ہمارے خلاف کارروائیاں کروائیں،جہانگیر ترین کے گھر والوں اور میری بیٹی پر پرچے کٹوائے گئے۔
استحکام پاکستان پارٹی کے صدر علیم خان نے جلسے سے خطاب کرتے ہوئےکہا کہ نیا پاکستان فرح گوگی بنا رہی تھی، عمران خان اپنی اولاد سمیت کسی کے ساتھ مخلص نہیں تھا.انہوں نے کہا کہ جو اپنی اولاد کا نہیں اس نے ہمارا کیا ہونا تھا، تجوری گھر والی بھر رہی تھی اور عمران خان ہمیں کہتا تھا کہ ریاست مدینہ بناؤ۔
اس موقع پر پی ٹی آئی کے سابق وفاقی وزیرغلام سرور خان نے استحکام پاکستان پارٹی میں شمولیت اختیار کی،آئی پی پی کے سربراہ جہانگیر ترین اور علیم خان نے سابق وزیرغلام سرور کو پارٹی میں شمولیت پر خوش آمدید کرتے ہوئے ان کا شکریہ ادا کیا۔
