اردو انٹرنیشنل اسپورٹس ویب ڈیسک تفصیلات کے مطابق ٹینس اسٹارکوکو گاف کی یو ایس اوپن میں اپنے یو ایس اوپن ٹائٹل کے دفاع کی کوشش اس وقت ختم ہوگئی جب وہ چوتھے راؤنڈ میں ایما ناوارو سے ہار گئیں۔ میچ کا سکور 6-3، 4-6، 6-3 رہا۔
گاف کو اپنی سرو میں دشواری کا سامنا کرنا پڑا، گاف نے19 ڈبل فالٹس کیے، جن میں فائنل گیم میں تین شامل تھے۔ جبکہ ناوارو، جنہوں نے اس سال کے شروع میں ومبلڈن میں بھی گاف کو شکست دی تھی، اب پہلی بار یو ایس اوپن کے کوارٹر فائنل میں پہنچی ہیں۔ وہ کوارٹر فائنل میں پولا بڈوسا کے خلاف کھیلیں گی۔
یاد رہے ناوارو 2004 میں سرینا ولیمز کے بعد ایک ہی سال ومبلڈن اور یو ایس اوپن دونوں میں کوارٹر فائنل تک پہنچنے والی سب سے کم عمر امریکی خاتون ہیں۔