ایلون مسک بھارت کا دورہ ملتوی کر کے اچانک چین پہنچ گئے،چینی وزیر اعظم سے ملاقات
اردو انٹرنیشنل (مانیٹرنگ ڈیسک) ٹیسلا کے چیف ایگزیکٹو آفیسر ایلون مسک غیر اعلانیہ دورے پر چین پہنچ گئے جہاں انہوں نے بیجنگ میں چینی وزیراعظم سمیت اعلیٰ عہدیداروں سے ملاقات کی۔
قطری نشریاتی ادارے الجزیرہ کی رپورٹ کے مطابق ارب پتی کاروباری شخص ایلون مسک کا چین کا دورہ ایسے وقت میں سامنے آیا ہے جب انہوں نے ایک ہفتہ قبل بھارت کا دورہ منسوخ کیا تھا جہاں ان کی وزیراعظم نریندر مودی سے ملاقات ہونی تھی۔
چینی وزیر اعظم لی کیانگ کے ساتھ مسک کی ملاقات اس وقت ہوئی جب چینی کار ساز 25 اپریل سے 5 مئی تک ہونے والے بیجنگ موٹر شو میں اپنی جدید ترین الیکٹرک گاڑیوں کی تشہیر کر رہے ہیں۔
اتوار کے روز اپنی ملاقات کے دوران،چین میں ٹیسلا کے آپریشنز کو مل کر کام کرنے کی ایک کامیاب مثال کے طور پر حوالہ دیتے ہوئے چینی وزیر اعظم نے مسک کو بتایا کہ انہیں امید ہے کہ امریکہ چین کے ساتھ تعاون پر مشغول رہے گا.
چینی وزیر اعظم کا حوالہ دیتے ہوئے کہا گیا کہ “چین کی بہت بڑی مارکیٹ ہمیشہ غیر ملکی فنڈڈ فرموں کے لیے کھلی رہے گی۔
“چین اپنے الفاظ پر قائم رہے گا اور مارکیٹ تک رسائی کو بڑھانے اور خدمات کی ضمانتوں کو مضبوط بنانے کے لیے سخت محنت جاری رکھے گا۔”
مسک نے ایکس پر ایک پوسٹ میں کہا کہ چینی وزیراعظم سے ملاقات انکے لئے ایک اعزاز ہے.
مسک نے کہا کہ ہم ایک دوسرے کو کئی سالوں سے جانتے ہیں.
واضح رہے کہ مسک کے دورے کا پہلے سے اعلان نہیں کیا گیا تھا اور یہ واضح نہیں ہے کہ آیا اس کے سفر نامے میں بیجنگ آٹو شو کا دورہ شامل ہوسکتا ہے، جہاں چینی کار ساز الیکٹرک گاڑیاں دکھا رہے ہیں جو ٹیسلا کے ماڈلز سے براہ راست مقابلہ کرتی ہیں۔
ارب پتی کاروباری شخص کا یہ سفر صرف ایک ہفتے بعد آیا ہے جب اس نے وزیر اعظم نریندر مودی سے ملاقات کے لیے ہندوستان کا طے شدہ دورہ منسوخ کر دیا تھا۔
ٹیسلا امریکہ سے باہر شنگھائی میں اپنا سب سے بڑا مینوفیکچرنگ پلانٹ چلاتا ہے، جہاں اس کی نصف گاڑیاں تیار ہوتی ہیں۔
مسک نے حالیہ برسوں میں چین کے متعدد دورے کیے ہیں، جو گزشتہ سال جون میں اپنا حالیہ دورہ مکمل کر چکے ہیں۔
