Brazil Defeats Paraguay And Nears Qualification For The Next Round
اردو انٹرنیشنل اسپورٹس ویب ڈیسک تفصیلات کے مطابق کوپا امریکہ ٹورنامنٹ کے گروپ ڈی کے میچ میں برازیل اور پیراگوئے کا مقابلہ ہوا. برازیل جو ٹورنامنٹ کے ڈیبیو میچ میں کوئی بھی گول کرنے میں ناکام رہا تھا ،نے اس میچ کا آغاز پر امید ہوکر کیا . دوسرے منٹ میں، وینیسیئس نے بائیں جانب سے دوڑ لگائی اور کراس دیا، لیکن لوکاس پیکیٹا موقع پر گول نہ کر سکے۔ برازیل نے کھیل میں گیند پر زیادہ کنٹرول رکھا اور کئی قابلِ ذکر مواقعے بھی پیدا کئے لیکن وہ آغاز میں ان مواقعوں کو گول میں تبدیل کرنے میں ناکام رہے ، جس کے جواب میں پیراگوئے نے جوابی حملے کرنے کی کوشش کی۔
نویں منٹ میں اینسیسو نے برازیل کے گول کیپر ایلیسن کو تیز کارنر کک سے حیران کر دیا اور ایک اچھے شاٹ سے بچاؤ کرنے پر مجبور کیا۔ دونوں ٹیموں کے پاس خطرناک کئی مواقع آتے رہے۔ 22ویں منٹ، میں مارکوین ہوس نے کارنر کک کے لیے اونچی چھلانگ لگائی لیکن یہ گول پوسٹ سے آگے بڑھ گئی ۔ اس کے علاوہ بوڈیلا کے پاس ایک اور موقع تھا لیکن اس کا شاٹ کمزور تھا اور ایلیسن نے آسانی سے اسے ناکام بنا دیا ۔
30 ویں منٹ میں، برازیل کی ٹیم کے پاس اس وقت بڑا موقع تھا جب پیکیٹا کا شاٹ کیوبا کے بازو پر پنالٹی ایریا میں لگا۔ پیکیٹا نے پنالٹی کک لی لیکن گول کے دائیں جانب بال بھیج دی۔ تاہم برازیل کے حوصلے بلند رہے اور 35ویں منٹ میں پاسوں کا ایک زبردست سلسلہ اختتام پذیر ہوا اور ونسیئس جونیئر نے اپنے ڈیفنڈر کو چکما دیتے ہوئے اسکور کو 1-0 کر دیا۔ اس کے بعد، روڈریگو نے ایک مضبوط حرکت کی اور پیراگوئے کے گول کیپر کو سیو پر مجبور کیا۔ اور اسی کے جواب میں ساونہو ریباؤنڈ پہ اسکور کیا، جس سے اسکور 2-0 ہوگیا .
آخری لمحات میں، پیراگوئے نے جواب دینے کی کوشش کی، اینسیسو کا شاٹ ولاسانٹی سے ٹکرا کر ہوا میں چلا گیا۔ برونو گیماریس نےکراس بار کی طرف ایک زور دار شاٹ مارا اور پھر روڈریگو اور وینیسیئس نے آلڈیریٹ پر دوبارہ اسکور کیا ، جس سے برازیل کا تیسرا گول ہو گیا جبکہ وینیسیئس کا میچ کا دوسرا گول تھا ۔
وقفے کے بعد پیراگوئے نے جوابی حملے کی بھر پور کوشش کی اور آلڈیریٹ نے خسارے کو کم کرنے کے لیےایک گول کیا جس سے اسکور 3-1 ہوگیا ۔ اس کے فوراً بعد، اینسیسو نے بائیں جانب سے ایک سولو ،رن بنایا جس سے برازیل کے گول کیپر نےناکام بنا دیا ۔ اس کے بعد برازیل کو ایک اور ہینڈ بال کے لیے پنالٹی ملی، اور پکیٹیا نے اعتماد کے ساتھ گول کرکے اسکور 4-1 کر دیا۔
برازیل نے آخری سیٹی تک کھیل پر کنٹرول برقرار رکھا، دونوں ٹیموں کے پاس چند مزید مواقع تھے۔ اختتام کے قریب، آندرس کیوبا کو سرخ کارڈ ملا اور برازیل نے 4-1 سے فتح اپنے نام کی .
