Cincinnati Open: Ariana Sabalenka beats Iga Svetek to reach final
اردو انٹرنیشنل اسپورٹس ویب ڈیسک تفصیلات کے مطابق سنسناٹی اوپن ٹینس ٹورنامنٹ میں خواتین کے سنگلز مقابلوں کے پہلے سیمی فائنل میچ میں بیلا روس کی آریانا سبالینکا نے عالمی نمبرون پولینڈ کی ٹینس سٹار آئیگا سویٹیک کو شکست دے کر فائنل کیلئے کوالیفائی کرلیا۔
سال کے چوتھے گرینڈ سلام یو ایس اوپن سے قبل وارم اپ ٹورنامنٹ کے ویمنز سنگلز کےپہلے سیمی فائنل میچ میں بیلا روس کی 26 سالہ آریانا سبالینکا نے انتہائی شاندار کارکردگی کا مظاہرہ کیا۔
سبالینکا نے 23 سالہ حریف پولش ٹینس سٹار آئیگا سویٹیک کو سٹریٹ سیٹس میں 3-6 اور 3-6 سے شکست دے کر نہ صرف ایونٹ سے باہر کر دیا بلکہ فائنل کے لئے بھی کوالیفائی کرلیا۔
واضح رہے کہ اس سے قبل آریانا سبالینکا اور آئیگا سویٹیک 2024 میں میڈرڈ اوپن اور اٹالین اوپن ٹینس ٹورنامنٹ کے فائنل میں دو بار آمنے سامنے ہوئیں لیکن سبالینکا دونوں فائنلز میں آئیگا سویٹیک سے ہار گئی تھی۔
بیلا روس کی 26 سالہ آریانا سبالینکا کا ویمنز سنگلز فائنل میں مقابلہ امریکی حریف کھلاڑی جسیکا پیگولا سے ہوگا، جنہوں نے ڈبلیو ٹی اے ایونٹ کے دوسرے سیمی فائنل میچ میں ہسپانوی حریف کھلاڑی پاؤلا بدوسا کو شکست دی تھی،ان کی فتح کا سکور 2-6، 6-3 اور 3-6 رہا۔
