وزیراعلیٰ کے پی علی امین گنڈاپور کا پولیس شہداء کے ورثا کو رمضان پیکج میں شامل کرنیکا اعلان
اردو انٹرنیشنل ( مانیٹرنگ ڈیسک) تفصیلات کے مطابق وزیر اعلیٰ خیبر پختونخوا علی امین گنڈاپور نے پولیس شہداء کے ورثا کو رمضان پیکج میں شامل کرنے کا اعلان کیا ہے۔
تفصیلات کے مطابق وزیراعلیٰ علی امین گنڈاپور کی زیرصدارت صوبے میں امن و امان سے متعلق اجلاس ہوا جس میں چیف سیکرٹری، آئی جی پولیس اور متعلقہ حکام نے شرکت کی۔
جلاس میں پولیس کے لیے بکتر بند گاڑیوں اور اسلحہ کی خریداری کے لیے3 ارب روپے جاری کرنے کا فیصلہ کیا گیا۔
اس کے علاوہ وزیراعلیٰ خیبرپختونخوا نے پولیس شہداء کے ورثاء کو رمضان پیکج میں شامل کرنے کا اعلان کرتے ہوئے کہا کہ رمضان پیکج کےتحت پولیس شہداء کے ورثا کو 10، 10 ہزار روپے دیے جائیں گے۔
انہوں نے پولیس میں شہداء کے بچوں کو بھرتی کرنے کے لیے ون ٹائم کوٹہ مقرر کرنے کی ہدایت کرتے ہوئے کہا کہ ون ٹائم کوٹہ سے بھرتی کے منتظر تمام شہداء کے بچے بیک وقت بھرتی ہوسکیں گے۔
