چیمپئنز کپ: میچ بارش کی وجہ سے منسوخ ،مارخورزنے فائنل کے لیے کوالیفائی کرلیا
اردوانٹرنیشنل(اسپورٹس ڈیسک) تفصیلات کے مطابق مارخورز نے چیمپئنز ون ڈے کپ 2024 کے فائنل کے لیے کوالیفائی کر لیا ہے جب ان کا ایلیمنیٹر 2 لائنز کے خلاف جمعہ کو اقبال سٹیڈیم فیصل آباد میں بارش کے باعث منسوخ ہو گیا۔
ٹورنامنٹ کوالیفائنگ کنڈیشنز کے مطابق، پلے آف میں واش آؤٹ ہونے کی صورت میں لیگ میچز کی تکمیل پر ٹاپ پوزیشن رکھنے والی ٹیم اگلے مرحلے کے لیے کوالیفائی کر لے گی۔
محمد رضوان کی قیادت والی ٹیم تین جیت، ایک ہار اور 38 پوائنٹس کے ساتھ ٹیبل پر سرفہرست ہے جبکہ شاہین آفریدی کی قیادت والی ٹیم ایک جیت، تین ہار اور 12 پوائنٹس کے ساتھ چوتھے نمبر پر ہے۔
مارخورز کا اب فائنل میں مقابلہ پینتھرز سے ہوگا، جو اتوار (29 ستمبر) کو اقبال اسٹیڈیم میں شیڈول ہے۔
مارخورز اور پینتھرز ٹورنامنٹ میں دو بار آمنے سامنے آچکے ہیں ان کا تازہ ترین مقابلہ کوالیفائر 1 تھا جہاں سابق کو7 وکٹ سے شکست ہوئی اور شاداب خان کی زیرقیادت پینتھرز نے چیمپئنز ون ڈے کپ کے فائنل میں رسائی آسان کی۔
ان کا پچھلا مقابلہ 12 ستمبر کو ہوا تھا جہاں رضوان کی قیادت میں مارخورز نے شاداب کی قیادت والی ٹیم کے خلاف 160 رنز سے فتح درج کی تھی۔
