جبالیہ کیمپ پر دوسرا حملہ،200 فلسطینی شہید
غزہ، جبالیہ کیمپ میں اسرائیل نے دوسرا حملہ کیا ہے جس کے نتیجے میں شہید ہونے والے فلسطینیوں کی تعداد 200 تک پہنچ گئی ہے جبکہ 120 افراد لاپتہ ہیں۔
انٹرنیشنل میڈیا کے مطابق 24گھنٹوں میں غزہ پر اسرائیلی طیاروں کی بمباری سے مزید 250 فلسطینی شہید ہوئے جب کہ اسرائیلی جارحیت سے شہید ہونے والوں کی مجموعی تعداد 9000 تک جا پہنچی ہے.
غزہ میں النصر اسٹریٹ پر بیکری کے سامنے جمع لوگوں پر بم گرایا گیا، امدادی کارروائیوں کے لیے جمع افراد اور ایمبولینسوں پر بھی میزائلوں سے حملہ کیا گیا جس میں بڑی تعداد میں اموات واقع ہوئیں۔
