آسٹریلیا کے کپتان پیٹ کمنز کا چیمپئنز ٹرافی سے باہر ہونے کا امکان

اردوانٹرنیشنل (اسپورٹس ڈیسک) تفصیلات کے مطابق کوچ اینڈریو میکڈونلڈ نے بدھ کو کہا کہ آسٹریلیا کے کپتان پیٹ کمنز چیمپیئنز ٹرافی سے باہر ہو گئے ہیں جبکہ ساتھی تیز گیند باز جوش ہیزل ووڈ بھی ون ڈے ٹورنامنٹ کے لیے مشکوک ہیں۔

کمنز اپنے دوسرے بچے کی پیدائش کی وجہ سے سری لنکا کے ٹیسٹ ٹور سے محروم رہے لیکن ٹخنے کی انجری سے پریشان ہیں جو گزشتہ ماہ کے آغاز میں بھارت کے خلاف ٹیسٹ سیریز جیتنے کے بعد سامنے آئی تھی۔

میکڈونلڈ نے آسٹریلوی ریڈیو سٹیشن سین کو بتایا کہ پیٹ کمنز کسی بھی قسم کی باؤلنگ دوبارہ شروع نہیں کر سکے اس لیے ان کا بہت کم امکان ہے۔

ہیزل ووڈ نے بھارت کے پانچ میں سے تین ٹیسٹ اور سری لنکا کا دورہ پنڈلی کی انجری کی وجہ سے نہیں کھیلا۔

میک ڈونلڈ نے کہا کہ وہ فٹ رہنے کے لیے جدوجہد کر رہے ہیں اور آنے والے دنوں میں طبی معلومات آنے کے بعد فیصلہ کیا جائے گا۔

آل راؤنڈر مچل مارش کمر کی انجری کے باعث پہلے ہی چیمپئنز ٹرافی سے باہر ہو چکے ہیں۔

یہ ٹورنامنٹ 19 فروری سے شروع ہوگا اور اس کی میزبانی پاکستان اور متحدہ عرب امارات کر رہے ہیں۔