اردوانٹرنیشنل (اسپورٹس ڈیسک) تفصیلات کے مطابق آسٹریلیا نے پیر کو چیمپیئنز ٹرافی 2025 کے لیے اپنے 15 رکنی ابتدائی اسکواڈ کا اعلان کیا، جس میں سری لنکا کے آئندہ دورے کے لیے آرام کے باوجود کلیدی تیز گیند باز پیٹ کمنز اور جوش ہیزل ووڈ شامل ہیں۔
کمنز، جو فی الحال پیٹرنٹی چھٹی پر ہیں، ٹخنے کے مسئلے کے لیے اسکین کروانے کے لیے تیار ہیں.
دریں اثنا، ہیزل ووڈ بھارت کے خلاف ہوم ٹیسٹ سیریز کے دوران پنڈلی کی چوٹ سے صحت یاب ہو رہے ہیں۔
چیف سلیکٹر اور سابق آسٹریلوی کپتان جارج بیلی نے اسکواڈ کے تجربے اور توازن پر اعتماد کا اظہار کیا۔
چیف آف سلیکٹر جارج نے کہا کہ یہ ایک متوازن اور تجربہ کار اسکواڈ ہے جس کا بنیادی حصہ گزشتہ ون ڈے ورلڈ کپ، ویسٹ انڈیز سیریز، گزشتہ سال کے کامیاب دورہ برطانیہ اور حالیہ پاکستان ہوم سیریز میں شامل تھا۔
آسٹریلیا کو گروپ بی میں رکھا گیا ہے اور وہ آئندہ ماہ پاکستان میں چیمپئنز ٹرافی کی مہم کا آغاز کرے گا۔
ان کا مقابلہ 22 فروری کو انگلینڈ، 25 فروری کو جنوبی افریقہ اور 28 فروری کو افغانستان سے ہوگا۔
آسٹریلیا کا سکواڈ: پیٹ کمنز (کپتان)، ایلکس کیری، نیتھن ایلس، آرون ہارڈی، جوش ہیزل ووڈ، ٹریوس ہیڈ، جوش انگلیس، مارنس لیبوشین، مچل مارش، گلین میکسویل، میتھیو شارٹ، اسٹیو اسمتھ، مچل اسٹارک، مارکس اسٹونیس، ایڈم زیمپا۔
