Attack on Mexico coach: Honduras faces ban and fine for next home match Photo-AP
اردو انٹرنیشنل (اسپورٹس ویب دیسک) تفصیلات کے مطابق کونکاکیف نیشنز لیگ کے ایک میچ میں میکسیکو کے کوچ خاویراگیرے پر تماشائیوں میں سے ایک شخص کی جانب سے پھینکے گئے کین سے سر پر چوٹ لگنے کے بعد ہونڈوراس کو حکم دیا گیا ہے کہ وہ اپنا اگلا ہوم میچ بغیر تماشائیوں کے کھیلے۔ یہ واقعہ جمعے کو سان پیڈرو سولا میں میچ کے بعد پیش آیا، جب اگیرے اپنے ہم منصب رینالڈو روئیڈا سے ہاتھ ملانے کے لیے جا رہے تھے کہ اچانک ان کے سر پر کین لگا، جس سے ان کے سر سے خون بہنے لگا۔
کونکاکیف، جو شمالی اور وسطی امریکہ میں فٹبال کی گورننگ باڈی ہے، نے پیر کو بیان جاری کرتے ہوئے کہا کہ ہونڈوراس فیڈریشن کو میکسیکو کے خلاف 2-0 کی جیت کے دوران مناسب حفاظتی انتظامات نہ کرنے پر جرمانہ بھی کیا گیا ہے۔ بیان میں کہا گیا کہ ہونڈوراس کی قومی ٹیم کو اپنا اگلا ہوم میچ بند دروازوں کے پیچھے یعنی بغیر تماشائیوں کے کھیلنا ہوگا۔
کونکاکیف کمیٹی نے میچ کے دوران میکسیکو کے کوچخاویراگیرے کے رویے کا بھی جائزہ لینے کا فیصلہ کیا ہے اور اس کے لیے الگ تحقیقات شروع کر دی ہیں۔
میکسیکو کوارٹر فائنل کے دوسرے مرحلے کی میزبانی منگل کو کرے گا۔
یہ فیصلہ فٹبال میچوں کے دوران کھلاڑیوں اور کوچز کی حفاظت کو یقینی بنانے کے لیے کیا گیا ہے تاکہ اس طرح کے ناخوشگوار واقعات دوبارہ پیش نہ آئیں۔
