افغانستان اے نے سری لنکا اے کو شکست دے کر پہلا ایمرجنگ ٹی ٹوئنٹی ایشیا کپ جیت لیا

افغانستان اے نے سری لنکا اے کو شکست دے کر پہلا ایمرجنگ ٹی ٹوئنٹی ایشیا کپ جیت لیا

اردوانٹرنیشنل(اسپورٹس ڈیسک) تفصیلات کے مطابق اتوار کو افغانستان اے نے سری لنکا اے کو 7 وکٹ سے شکست دے کر پہلا ایمرجنگ ٹی ٹوئنٹی ایشیا کپ جیت لیا۔

عمان کے شہر الامیرات میں ہونے والے فائنل میچ میں افغانستان نے سری لنکا کو 7 وکٹ سے شکست دی۔

سری لنکا اے نے پہلے بیٹنگ کرتے ہوئے افغانستان اے کو 134 رنز کا ہدف دیا اور مقررہ 20 اوورز میں 7 وکٹ کے نقصان پر 133 رنز بنائے سہان آراچیگے نے ناقابل شکست 64 رنز بنائے۔

افغانستان اے کی جانب سے بلال سمیع نے 3 اور غضنفر نے 2 وکٹ حاصل کیں۔

افغانستان اے نے ہدف 18.1 اوورز میں حاصل کر لیا صادق اللہ نے 55 گیندوں پر ناقابل شکست 55 رنز بنائے جس میں ایک چھکا اور3 چوکے شامل تھے۔

کریم جنت نے 33، درویش رسولی نے 24 اور محمد اسحاق نے 16 رنز بنائے۔

سری لنکا اے کے سہان، دوشن ہیمانتھا اور ایشان ملنگا نے ایک وکٹ حاصل کی۔