ایورٹن کےارماندو بروخا انجری کے باعث 12ہفتوں تک کھیل سے باہر رہیں گے: منیجرڈیوڈ موئیس

اردو انٹرنیشنل (اسپورٹس ویب ڈیسک) تفصیلات کے مطابق ایورٹن کے نے منیجر ڈیوڈ موئیس نے تصدیق کی ہے کہ اسٹرائیکر ارماندو بروخا کو ٹخنے کی چوٹ کے باعث تقریباً تین ماہ تک کھیل سے دور رہنا پڑے گا۔ 23 سالہ بروجا، جو گزشتہ موسم گرما میں چیلسی سے قرض پر ایورٹن کا حصہ بنے تھے، پچھلے جمعرات پیٹربورو کے خلاف ایف اے کپ کے میچ کے دوران انجری کا شکار ہوئے اور انہیں اسٹریچر پر میدان سے باہر لے جایا گیا تھا ۔

البانیہ کے اس کھلاڑی کو اس سے پہلے بھی پری سیزن کے دوران انجری کا سامنا کرنا پڑا تھا، جس وجہ سے ان کی ایپسوچ کلب میں منتقلی متاثر ہوئی تھی۔

ایورٹن کے منیجر نے ایسٹن ولا کے ہاتھوں 1-0 سے شکست کے بعد کہا:
“ہمیں لگتا ہے کہ وہ 10 سے 12 ہفتوں تک کھیل سے باہر رہیں گے۔ ان کے ٹخنے کے لگمنٹس متاثر ہوئے ہیں، اور ممکن ہے کہ وہ چیلسی واپس جائیں۔”

بروخا نے اس سیزن میں صرف پانچ پریمیئر لیگ میچ کھیلے ہیں اور ان میں کوئی گول نہیں کیا۔

ایورٹن اس وقت پریمیئر لیگ ٹیبل میں 20 میچز کے بعد 17 پوائنٹس کے ساتھ 16 ویں نمبر پر ہے اور ریلیگیشن زون سے صرف ایک پوائنٹ اوپر ہے۔