جو روٹ سری لنکا ٹیسٹ سیریز کے دوران تین ریکارڈ توڑ سکتے ہیں

جو روٹ سری لنکا ٹیسٹ سیریز کے دوران تین ریکارڈ توڑ سکتے ہیں

اردوانٹرنیشنل(اسپورٹس ڈیسک) تفصیلات کے مطابق مانچسٹر کے اولڈ ٹریفورڈ کرکٹ گراؤنڈ میں 21 اگست سے شروع ہونے والی سری لنکا کے خلاف تین ٹیسٹ میچوں کی سیریز کے دوران جو روٹ تین ریکارڈ توڑ سکتے ہیں۔

بتیس سالہ روٹ کا سری لنکا کے خلاف شاندار ریکارڈ ہے کیونکہ انہوں نے 10 ٹیسٹ میں 58.88 کی شاندار بیٹنگ اوسط کے ساتھ 1001 رنز بنائے ہیں جس میں چار سنچریاں شامل ہیں۔

روٹ نے 143 ٹیسٹ میچوں میں 50.11 کی اوسط سے 12,027 رنز بنائے ہیں جن میں 32 سنچریاں اور 63 نصف سنچریاں شامل ہیں۔

ویسٹ انڈیز کے خلاف انگلینڈ کی ہوم سیریز کے دوران، روٹ نے ٹیسٹ کرکٹ میں 12,000 رنز مکمل کیے.

سری لنکا کی ٹیسٹ سیریز کےدوران روٹ مزید تین ریکارڈ توڑ سکتے ہیں۔

انگلش بلے باز کے سری لنکا کے خلاف سب سے زیادہ رنز

ابھی تک، کک سری لنکا کے خلاف 16 ٹیسٹ میں سب سے زیادہ رنز (1,290) کے ساتھ انگلش بلے باز ہیں روٹ 10 میچوں میں 1001 رنز کے ساتھ دوسرے نمبر پر ہیں دائیں ہاتھ کے بلے باز کو سابق کپتان کو پیچھے چھوڑنے کے لیے 290 رنز درکار ہیں۔

ورلڈ ٹیسٹ چیمپئن شپ میں 5,000 رنز

جو روٹ اس وقت 55 میچوں میں 4,598 رنز کے ساتھ ڈبلیو ٹی سی کے ٹاپ اسکورر ہیں انگلش بلے باز کو ڈبلیو ٹی سی کی تاریخ میں 5000 رنز بنانے والے پہلے کھلاڑی بننے کے لیے 402 رنز درکار ہیں۔

انگلینڈ کا سب سے زیادہ ٹیسٹ رنز بنانے والا کھلاڑی

کک(12,472) ٹیسٹ کرکٹ میں انگلینڈ کے لیے سب سے زیادہ رنز بنانے والے کھلاڑی ہیں اور روٹ دوسرے نمبر پر ہیں، جن کے 12،027 رنز ہیں۔

دائیں ہاتھ کے بلے باز کو سابق کپتان کو پیچھے چھوڑنے کے لیے 446 رنز درکار ہیں اور وہ ریڈ بال کرکٹ میں انگلینڈ کے سب سے زیادہ رنز بنانے والے کھلاڑی بن جائے گئے۔