جیسن گلیسپی نے ارشد ندیم کو پاکستان کرکٹ ٹیم کے ڈریسنگ روم میں مدعوکر لیا
اردوانٹرنیشنل(اسپورٹس ڈیسک) تفصیلات کے مطابق پیرس اولمپکس میں گولڈ میڈل حاصل کرنے اور نیا ریکارڈ بنانے والے پاکستان کے اسٹار کھلاڑی ارشد ندیم کو ٹیسٹ ہیڈ کوچ جیسن گلیسپی نے پاکستان کرکٹ ٹیم کے ڈریسنگ روم میں آنے کی دعوت دی ہے۔
پی سی بی پوڈ کاسٹ پر ایک مباحثے میں، گلیسپی نے ندیم کے کارنامے کی تعریف کی اور کھلی دعوت دی۔
گلیسپی نے کہا کہ ہم ارشد ندیم کو بھی ڈریسنگ روم میں مدعو کرنا پسند کریں گے میں نے اولمپکس کے دوران تمام شاہینوں کو ان کی حوصلہ افزائی کرتے دیکھا۔
ان کا دورہ کرنا اور ٹیم کے ساتھ اپنا گولڈ میڈل شیئر کرنا ایک شاندار فروغ ہوگا خاص طور پر اولمپک جذبے کے ساتھ۔ یہ ایک حیرت انگیز لمحہ تھا، اور ہم انہیں ڈریسنگ روم کا دورہ کرنے کی کھلی دعوت دیتے ہیں.
پاکستان کے ٹیسٹ کپتان شان مسعود نے ندیم کی کامیابی پر روشنی ڈالتے ہوئے مزید کہا کہارشد ندیم نے ہم سب کو جذباتی کر دیا ہے انہیں پوڈیم پر جھنڈا لہراتے ہوئے اور اولمپک کی گھنٹی بجاتے ہوئے دیکھنا ناقابل یقین تھا۔
وہ اس تمام پہچان کے مستحق ہیں جو انہیں مل رہی ہے اور وہ قومی ہیرو ہیں ان کی کامیابیاں پاکستان میں ٹیلنٹ کو اجاگر کرتی ہیں اور ہم سب کو ان پر فخر ہے۔
