شاہد آفریدی نے ٹی ٹوئنٹی ورلڈ کپ 2024 کے سیمی فائنلسٹ کی پیش گوئی کر دی
اردو انٹرنیشنل (اسپورٹس ڈیسک) تفصیلات کے مطابق پاکستان کے سابق کپتان شاہد آفریدی نے جمعہ کے روز امریکہ اور ویسٹ انڈیز میں اگلے ماہ شروع ہونے والے آئی سی سی ٹی ٹوئنٹی ورلڈ کپ 2024 کے سیمی فائنلسٹ کی پیش گوئی کی ہے۔
پاکستان، آسٹریلیا، نیوزی لینڈ اور بھارت کو آفریدی نے آئی سی سی کی جانب سے جاری کردہ ویڈیو میں میگا ایونٹ کے سیمی فائنل کے لیے منتخب کیا تھا۔
آفریدی کو جمعہ کو آنے والے ورلڈ کپ کا سفیر نامزد کیا گیا۔
وہ ہندوستان کے یووراج سنگھ، ‘یونیورس باس’ کرس گیل اور زمین کے تیز ترین آدمی یوسین بولٹ کے ساتھ میگا ایونٹ کے سفیر کے طور پر شامل ہوتے ہیں۔
آفریدی نے 2009 میں پاکستان کو ٹی ٹوئنٹی ورلڈ کپ کا ٹائٹل دلایا جبکہ 2007 میں فائنل تک رسائی میں بھی اہم کردار ادا کیا۔
واضح رہے کہ ٹی ٹوئنٹی ورلڈ کپ کے دوران ویسٹ انڈیز اور امریکا کے نو مختلف مقامات پر 55 میچ کھیلے جائیں گے۔
