بھارتی جیل میں قید ایک اور پاکستانی کو رہائی مل گئی

بھارتی جیل میں قید ایک اور پاکستانی کو رہائی مل گئی

اردو انٹرنیشنل ( مانیٹرنگ ڈیسک) تفصیلات کے مطابق پاکستانی ہائی کمیشن دہلی کی کوششوں کے باعث بھارتی جیل میں قید شمون نامی پاکستانی شہری کو رہائی مل گئی ہے اور وہ واہگہ کے راستے پاکستان پہنچ گیا ہے.

تفصیلات کے مطابق شمون نامی پاکستانی شہری نے غلطی سے سرحد عبور کی تھی، جس کے سبب بھارتی فوجیوں نے جاسوس سمجھ کر ان کوگرفتار کیا تھا۔

شمون نے بتایا کہ وہ مندر میں پوجا کرنے گیا تھا.

شمون کا کہنا تھا کہ اس نے سرحد عبور کرنے سے پہلے بی ایس ایف کے اہلکاروں سے اجازت لی، اور پھر مندر میں گیا لیکن بی ایس ایف والوں نے اسے گرفتار کرلیا۔

پاکستانی ہائی کمیشن نے 2019 میں قونصل رسائی کے تحت بھارت کی جے پور جیل میں شمون سے ملاقات کی تھی جس کے بعد اس کی شہریت کی تصدیق اور پھر رہائی کے لیے اقدامات شروع کیے تھے۔

ترجمان پاکستانی ہائی کمیشن کا کہنا ہے کہ دیگرپاکستانیوں کی رہائی کیلئے کوششیں جاری ہیں۔