ٹی 20 ورلڈ کپ: سری لنکا کو بڑا دھچکا، اسٹار آل راؤنڈر انجری کا شکار

کولمبو: آئی سی سی مینز ٹی ٹوئنٹی ورلڈ کپ 2026 میں سری لنکا کو بڑا دھچکا لگا ہے، جہاں اسٹار آل راؤنڈر ونندو ہسارنگا ہیمسٹرنگ انجری کے باعث ایونٹ سے باہر ہوگئے ہیں۔

ہسارنگا کو یہ انجری آئرلینڈ کے خلاف میچ کے دوران پیش آئی، جس میں انہوں نے تین وکٹیں حاصل کرکے ٹیم کی فتح میں اہم کردار ادا کیا تھا۔

سری لنکن ٹیم مینجمنٹ نے ہسارنگا کے متبادل کے طور پر دُشن ہیمنتھا کو اسکواڈ میں شامل کرلیا ہے، جس کی منظوری ایونٹ ٹیکنیکل کمیٹی نے بھی دے دی ہے ہیمنتھا اب تک تین ٹی ٹوئنٹی انٹرنیشنل میچز میں سری لنکا کی نمائندگی کرچکے ہیں اور انہوں نے گزشتہ سال زمبابوے کے خلاف ڈیبیو کیا تھا۔

سری لنکا اپنا اگلا میچ 12 فروری کو عمان کے خلاف کھیلے گا۔