T20 World Cup 2024: India unveil official kit
اردو انٹرنیشنل (اسپورٹس ڈیسک) تفصیلات کے مطابق کھیلوں کے لباس کے سب سے بڑے اداروں میں سے ایک اور ہندوستانی کرکٹ ٹیم کے آفیشل کٹ اسپانسر ایڈیڈاس نے آئندہ ٹی ٹوئنٹی ورلڈ کپ 2024 سے قبل ٹیم کی نئی ٹی ٹوئنٹی جرسی کی نقاب کشائی کی جو کہ ریاستہائے متحدہ اور ویسٹ انڈیز میں کھیلا جائے گا۔
ورلڈ کپ کی جرسی 2019 کے ورلڈ کپ سے بہت ملتی جلتی ہے کیونکہ یہ بہت کم فرق کے ساتھ تقریباً ایک جیسی ہے ایڈیڈاس کے ٹریڈ مارک کی پٹیاں سفید میں ہیں جبکہ کالر کے ارد گرد ایک سہ رنگی پٹی بھی قمیض پر ہے۔
یہ دیکھنا ابھی باقی ہے کہ بلیوز میگا ایونٹ میں شرٹ پہنیں گے یا نہیں لیکن فی الحال نئی کٹ کی ٹائمنگ کو دیکھتے ہوئے سب کچھ اس بات کا اشارہ دے رہا ہے کہ روہت شرما اور ان کے جوان ورلڈ کپ میں نئی جرسی پہنیں گے .
ہندوستان نے اس سے قبل میگا ایونٹ کے لیے اپنے اسکواڈ کا اعلان کیا تھا جہاں کے ایل راہول، رتوراج گائیکواڑ، ایشان کشن اور دیگر 18 رکنی مقابلے میں جگہ نہیں بنا سکے تھے جبکہ شوبمن گل اور رنکو سنگھ کو ریزرومیں شامل کیا گیا تھا۔
یاد رہے کہ بھارت گروپ اے میں روایتی حریف پاکستان کے ساتھ ہے اور دونوں ٹیمیں 9 جون کو نیو یارک کے ناساؤ کاؤنٹی انٹرنیشنل کرکٹ اسٹیڈیم میں ورلڈ کپ کے سب سے زیادہ متوقع میچوں میں سے ایک میں ایک دوسرے سے مدمقابل ہوں گی۔
ہندوستان کا ٹی ٹوئنٹی ورلڈ کپ 2024 اسکواڈ
روہت شرما (کپتان)، ہاردک پانڈیا (نائب کپتان)، یشسوی جیسوال، ویرات کوہلی، سوریہ کمار یادو، رشبھ پنت (وکٹ)، سنجو سیمسن (وکٹ)، شیوم دوبے، رویندرا جدیجا، اکسر پٹیل، کلدیپ یادیو، یوزویندر چہل، ارشدیپ سنگھ، جسپریت بمراہ، محمد سراج۔
ریزرو: شبمن گل، رنکو سنگھ، خلیل احمد اور اویش خان
