ظہیر عباس نے بابر اعظم کو پاکستانی اسکواڈ سے باہر کرنے کا مطالبہ کر دیا

ظہیر عباس نے بابر اعظم کو پاکستانی اسکواڈ سے باہر کرنے کا مطالبہ کر دیا

اردوانٹرنیشنل(اسپورٹس ڈیسک) تفصیلات کے مطابق پاکستان کے مایہ ناز بلے باز ظہیر عباس نے قومی وائٹ بال کے کپتان بابر اعظم کو ان کی حالیہ فارم پر تنقید کا نشانہ بناتے ہوئے انہیں ٹیم سے ہٹانے کا مطالبہ کیا ہے۔

بابر کو حال ہی میں اپنی کم کارکردگی کی وجہ سے سخت جانچ پڑتال کا سامنا ہے، جس کی خاص بات بنگلہ دیش کے خلاف دو میچوں کی ہوم ٹیسٹ سیریز میں ان کے مایوس کن رنز تھے۔

وہ بنگلہ دیش کے خلاف ہوم سیریز کے بعد آئی سی سی ٹیسٹ بیٹنگ رینکنگ میں ٹاپ 10 کی فہرست سے باہر ہو گئے، جہاں وہ چار اننگز میں 64 رنز بنانے میں کامیاب ہوئے۔

انہوں نے آخری بار دسمبر 2022 میں نیوزی لینڈ کے خلاف 161 رنز کی میراتھن اننگز کے ساتھ ریڈ بال کرکٹ میں 50 رنز کا ہندسہ عبور کیا تھا اس کے بعد سے، انہوں نے جولائی 2023 میں سری لنکا کے خلاف 39 کے سب سے زیادہ اسکور کے ساتھ 16 اننگز کھیلی ہیں۔

ظہیر عباس نے متحدہ عرب امارات (یو اے ای) میں کھیل کے ٹاک شو میں شرکت کے دوران اپنی مایوس کن کارکردگی کی وجہ سے ٹیم میں ان کی جگہ پر سوال اٹھایا۔

عباس نے کہا کہ بابر اعظم کو ٹیم سے ڈراپ کیا جانا چاہیے وہ رنز نہیں بنا رہے، کیونکہ اگر وہ ہمارے اہم بلے بازہیں اور وہ آؤٹ آف فارم ہیں، تو انہیں ٹیم سے باہر ہونا چاہیے۔

تاہم، پاکستان کی ٹیم انتظامیہ نے اسٹار بلے باز پر اعتماد ظاہر کیا ہے اور انگلینڈ کے خلاف ملتان میں 7 اکتوبر سے شروع ہونے والی آئندہ ٹیسٹ سیریز کے لیے ان کی حمایت کی ہے۔

انگلینڈ کے خلاف پہلے ٹیسٹ کے لیے پاکستانی اسکواڈ: شان مسعود (کپتان)، سعود شکیل (نائب کپتان)، عامر جمال، عبداللہ شفیق، ابرار احمد، بابر اعظم، میر حمزہ، محمد ہریرہ، محمد رضوان (وکٹ کیپر)، نسیم شاہ ، نعمان علی، صائم ایوب، سلمان علی آغا، سرفراز احمد (وکٹ کیپر)، اور شاہین شاہ آفریدی، زاہد محمود۔