بابر اعظم، محمد رضوان درمیانی اوورز میں رن ریٹ کو برقرار رکھیں، یونس خان

اردو انٹرنیشنل (اسپورٹس ڈیسک) تفصیلات کے مطابق ٹی ٹوئنٹی ورلڈ کپ جیتنے والے کپتان یونس خان کا خیال ہے کہ پاکستان کے ٹاپ بلے بازوں بابر اعظم، محمد رضوان اور فخر زمان کو ٹی ٹوئنٹی فارمیٹ کے درمیانی اوورز میں رن ریٹ کو برقرار رکھیں.

صحافیوں سے بات کرتے ہوئے انہوں نے پاور پلے کے بعد درمیانی اوورز میں بھی 8 سے 9 رنز فی اوور کے رن ریٹ کو برقرار رکھنے کی اہمیت پر زور دیا۔

انہوں نے کہا کہ اگر کوئی ٹیم 200 رنز بناتی ہے تو وہ میچ بچانے کی پوزیشن میں ہو گی 170 کا اسکور اب کافی نہیں ہے۔

انہوں نے مزید کہا کہ ‘بابر اعظم، فخر زمان، اور رضوان کو تیز اسٹرائیک ریٹ کے ساتھ جانا چاہیے آج کل تیز رفتاری سے زیادہ رنز بنائے جا سکتے ہیں یہ کھلاڑیوں کی ذمہ داری ہے کہ وہ جارحانہ انداز میں کھیلیں’۔

دوسری جانب انہوں نے اس بات پر زور دیا کہ بلے بازوں کو کسی بھی پوزیشن پر بیٹنگ کرنی چاہیے جبکہ بولرز کو کھیل کے کسی بھی لمحے گیند بازی کے لیے تیار ہونا چاہیے۔

کپتان کو باکس سے باہر سوچنا ہوگا اور کھلاڑیوں کو بھی ایک ساتھ اپنے کمفرٹ زون سے باہر آنا ہوگا۔

انہوں نے مزید کہا کہ ہر کھلاڑی کو کپتان کی مدد کرنی چاہیے سب کچھ ایک شخص پر نہ چھوڑیں کیونکہ صرف ایک شخص پر منصوبہ بندی نہیں کی جا سکتی۔

پاکستان:

بابر اعظم، ابرار احمد، اعظم خان، فخر زمان، حارث رؤف، حسن علی، افتخار احمد، عماد وسیم، محمد عباس آفریدی، محمد عامر، محمد رضوان، عرفان خان، نسیم شاہ، صائم ایوب، سلمان آغا شاداب خان، شاہین آفریدی، عثمان خان