اردو انٹرنیشنل (اسپورٹس ویب ڈیسک) تفصیلات کے مطابق ورلڈ ٹیم اسکواش چیمپئن شپ میں پاکستان نے مسلسل تیسری فتح اپنے نام کرلی۔
قومی اسکواش ٹیم نے گروپ کے آخری میچ میں اٹلی کو 0-3 سے شکست دی، پاکستان کی جانب سے نور زمان، ناصر اقبال اور عاصم خان نے کامیابی حاصل کی۔
عاصم خان نے عمر زکی کو 11 ۔ 18، 4 ۔ 11 اور 7 ۔ 11 سے ہرایا جب کہ نور زمان نے لورینزو استاورینگو کو 11-4، 11-7 اور 11-5 سے ہرایا۔
اس کے علاوہ ناصر اقبال نے ڈینیئل ڈی بارتولومیو کو 11-2، 11-1 اور 11-1 سے ہرایا۔
مسلسل 3 میچز جیت کر پاکستان گروپ ایچ میں پہلی پوزیشن پر رہا۔
یاد رہے، پاکستان پہلے ہی ورلڈ اسکواش چیمپئن شپ کے ناک آوٹ راؤنڈ میں پہنچ چکا ہے۔
