ہم امریکی اقدار کے لیے لڑیں گے اور کامیاب ہوں گے : کملا ہیرس
اردو انٹرنیشنل (مانیٹرنگ ڈیسک) شکاگو میں ڈیموکریٹک نیشنل کنونشن کے افتتاح کے موقع پر امریکا کی نائب صدر کملا ہیرس نے اپنی شرکت سے حاضرین کو حیران کر دیا۔ کنونشن میں ڈیموکریٹک پارٹی سرکاری طور پر انھیں نومبر میں مقررہ صدارتی انتخابات کے لیے پارٹی امیدوار نامزد کرے گی۔
Together, we will fight for the promise of America’s future. Tune in now to watch the first night of the Democratic National Convention. https://t.co/FFbmGUzAOS
— Kamala Harris (@KamalaHarris) August 19, 2024
اس موقع پر اپنے مختصر خطاب میں کملا نے ووٹروں پر زور دیا کہ وہ امریکی اقدار اور کامیابی کے لیے لڑیں۔
کملا نے اپنے خطاب میں مزید کہا کہ “ہم صدر جو بائیڈن کے ہمیشہ کے لیے ممنون ہیں … جو ، آپ کی تاریخی قیادت کے لیے شکریہ”۔
ادھر سابقہ صدارتی انتخابات میں ڈیموکریٹک پارٹی کی امیدوار ہیلری کلنٹن نے ریپبلکن حریف ڈونلڈ ٹرمپ پر کڑی نکتہ چینی کی ہے۔ انھوں نے اپنے خطاب میں کہا کہ ٹرمپ وہ پہلی شخصیت ہیں جو 34 مجرمانہ الزامات میں قصور وار ٹھہرائے جانے کے بعد صدارتی انتخابات میں نامزد ہوئے ہیں۔
Hillary Clinton just walked on stage and the whole arena went CRAZY pic.twitter.com/UKLaUZXjRi
— Samuel Schwartz🟧 🥥 🌴 (@samschwartz03) August 20, 2024
ہیلری کے مطابق کملا ہیرس امریکی اقدار اور ملک میں جمہوریت کا دفاع کریں گی۔
کنونشن میں موجودہ صدر جو بائیڈن کی اہلیہ جیل بائیڈن نے بھی خطاب کیا۔ انھوں نے بائیڈن کی تعریف کرتے ہوئے زور دیا کہ ملک کا مستقبل کملا ہیرس اور ٹیم والز کی حمایت اور آئندہ انتخابات میں ان دونوں کی جیت پر منحصر ہے۔
Democratic Convention erupts into cheers for Vice President Kamala Harris pic.twitter.com/94KB236X4F
— Kamala HQ (@KamalaHQ) August 20, 2024
توقع ہے کہ بائیڈن بعد ازاں کنونشن میں مرکزی خطاب کریں گے۔ یہاں وہ اس بات کو باور کرائیں گے کہ کملا ہیرس اس مشن کو کامیابی سے انجام دینے کے لیے بہترین ہیں جس کا مقصد امریکا میں جمہوریت کو ٹرمپ کے خطرے سے بچانا ہے۔
یاد رہے کہ ڈیموکریٹک پارٹی رواں سال اپنا چار روزہ قومی کنونشن ‘یکجہتی’ کے عنوان سے منعقد کر رہی ہے۔ اس موقع پر شکاگو میں ایک بڑے مظاہرے کی کال دی گئی ہے۔ مظاہرے کا مقصد غزہ کی پٹی میں حماس کے ساتھ تباہ کن جنگ میں اسرائیل کے لیے امریکی انتظامیہ کی سپورٹ پر احتجاج کرنا ہے۔
