Uganda announce squad for maiden T20 World Cup campaign
اردو انٹرنیشنل (اسپورٹس ڈیسک) تفصیلات کے مطابق یوگنڈا نے آئندہ آئی سی سی مینز ٹی 20 ورلڈ کپ 2024 کے لیے 15 رکنی اسکواڈ کا اعلان کر دیا ہے جس کی میزبانی ویسٹ انڈیز اور ریاستہائے متحدہ امریکہ میں ہوگی۔
افریقی ملک نے پہلی بار مقابلے میں اپنی جگہ بنائی ہے اور وہ یکم جون سے شروع ہونے والے ٹورنامنٹ میں 20 ٹیموں میں شامل ہوں گے۔
برائن مسابا اپنی پہلی ٹی ٹوئنٹی ورلڈ کپ مہم میں یوگنڈا کی قیادت کریں گے، جس کا آغاز 3 جون کو گیانا میں افغانستان کے خلاف ہوگا۔
دریں اثنا، پاکستانی نژاد آل راؤنڈر ریاضت علی شاہ نائب کپتان کے فرائض انجام دیں گے۔
اسکواڈ میں 43 سالہ آل راؤنڈر فرینک نوبوگا بھی شامل ہیں جو ٹی ٹوئنٹی ورلڈ کپ 2024 میں سب سے زیادہ عمر کے کھلاڑی ہوں گے۔
یوگنڈا کو گروپ سی میں شریک میزبان ویسٹ انڈیز، نیوزی لینڈ، افغانستان اور پاپوا نیو گنی کے ساتھ رکھا گیا ہے۔
ٹی ٹوئنٹی ورلڈ کپ کے لیے یوگنڈا کا سکواڈ
برائن مسابا (کپتان)، سائمن سیسازی، راجر مکاسا، کوسماس کیوٹا، دنیش ناکرانی، فریڈ اچیلم، کینتھ ویسووا، الپیش رامجانی، فرینک نسیبوگا، ہنری سینیونڈو، بلال حسون، رابنسن اوبیا، ریاضت علی شاہ (نائب کپتان)، روما، میانک پٹیل
