T20 World Cup: Pakistani-origin UAE cricketer sent from India to Dubai by team management-X
ٹی20 کرکٹ ورلڈ کپ کے دوران پاکستانی نژاد یو اے ای کے اوپنر محمد زوہیب کو ٹیم منیجمنٹ نے بھارت سے دبئی واپس بھیج دیا۔
اماراتی کرکٹ بورڈ (ای سی بی) کے مطابق محمد زوہیب کو نظم و ضبط کی خلاف ورزیوں کی بنیاد پر وطن واپس بھیجا گیا ہے، تاہم معاملے کی مزید تفصیلات مناسب وقت پر جاری کی جائیں گی۔
دوسری جانب محمد زوہیب نے الزامات عائد کرتے ہوئے کہا ہے کہ ٹیم منیجمنٹ میں شامل افراد بھارتی ہیں اور پاکستانی نژاد ہونے کی وجہ سے انہیں ٹیم سے نکالا گیا۔
اپنے ویڈیو بیان میں انہوں نے دعویٰ کیا کہ کوچ اور ٹیم اسٹاف نے انہیں خود کو ان فٹ ڈیکلیئر کرنے یا ذاتی وجوہات کا بہانہ بنا کر واپس جانے پر مجبور کیا، انکار پر دھمکیاں بھی دی گئیں۔
محمد زوہیب نے اماراتی کرکٹ بورڈ اور آئی سی سی سے واقعے کی تحقیقات کا مطالبہ کرتے ہوئے کہا کہ انہیں بغیر کسی واضح وجہ کے ٹیم سے الگ کیا گیا یو اے ای کی ٹیم اس وقت بھارت کے شہر چنئی میں ٹی20 ورلڈ کپ میں شریک ہے۔
