Smriti Mandhana creates new history by breaking a 28-year-old record-ICC
بھارتی ویمن کرکٹر سمریتی مندھانا نے ویمن ون ڈے کرکٹ میں ایک کلینڈر ائیر میں سب سے زیادہ رنز بنانے کا 28 سال پرانا عالمی ریکارڈ توڑ کر نئی تاریخ رقم کر دی۔
آئی سی سی ویمن ورلڈ کپ 2025 کے دوران جنوبی افریقہ کے خلاف میچ میں، مندھانا نے 8ویں اوور میں چھکا لگا کر یہ اعزاز حاصل کیا انہوں نے اس میچ میں 32 گیندوں پر 23 رنز بنائے، تاہم اس اننگز کے ساتھ ہی ان کے سال 2025 میں مجموعی رنز کی تعداد 982 تک جا پہنچی۔
یہ ریکارڈ اس سے قبل آسٹریلیا کی سابق کپتان بلینڈا کلارک کے پاس تھا، جنہوں نے 1997 میں 970 رنز اسکور کیے تھے۔
سمریتی مندھانا اب ویمن ون ڈے کرکٹ کی تاریخ کی پہلی بیٹر بننے کے قریب ہیں جو ایک ہی سال میں 1000 رنز کا سنگ میل عبور کرے گی، جو کہ ایک اور تاریخی کارنامہ ہوگا۔
