فرانس میں سیاسی ہلچل،وزیر اعظم سیباسٹیان لیکورنُو نے 14 گھنٹے میں استعفیٰ دے دیا
اردو انٹرنیشنل (مانیٹرنگ ڈیسک) فرانس کے نئے وزیر اعظم سیباسٹیان لیکورنُو نے پیر کو صرف 14 گھنٹے بعد ہی اپنی کابینہ کے اعلان کے بعد استعفیٰ دے دیا، جب اتحادیوں اور حریفوں دونوں نے ان کی حکومت کو گرانے کی دھمکی دی، جس کے نتیجے میں فرانسیسی اسٹاک مارکیٹ اور یورو کی قیمت میں شدید کمی دیکھنے کو آئی۔
ان کا یہ فوری استعفیٰ غیر متوقع اور بے مثال تھا اور فرانس کے سیاسی بحران کی شدت کو مزید بڑھا گیا۔
فارن رائٹ جماعت نیشنل رالی نے فوری طور پر صدر امانوئل میکرون سے مطالبہ کیا کہ وہ فوری پارلیمانی انتخابات کروائیں۔
سیباسٹیان لیکورنُو جو میکرون کے قریبی اتحادی ہیں نے اتوار کو سیاسی جماعتوں کے ساتھ ہفتوں کی مشاورت کے بعد اپنے وزراء کے نام مقرر کیے تھے اور یہ وزارتی اجلاس پیر کی دوپہر کو ہونا تھا۔
تاہم نئی کابینہ کی تشکیل نے مخالفین اور اتحادیوں دونوں کو ناراض کر دیا، جنہیں یا تو یہ بہت دائیں بازو کی لگی یا اتنی دائیں بازو کی نہیں، جس سے یہ سوال پیدا ہوا کہ یہ حکومت کب تک قائم رہ سکتی ہے، خاص طور پر جب فرانس پہلے ہی سیاسی بحران میں گھر چکا ہے اور کسی گروپ کے پاس پارلیمنٹ میں اکثریت نہیں ہے۔
لیکورنُو نے پیر کی صبح اپنا استعفیٰ صدر میکرون کو پیش کیا۔
الیسی پریس آفس نے کہا مسٹر سیباسٹیان لیکورنُو نے صدر جمہوریہ کو اپنی حکومت کا استعفیٰ پیش کیا ہے، جسے قبول کر لیا گیا ہے۔
فرانسیسی سیاست 2022 میں میکرون کی دوبارہ منتخب ہونے کے بعد سے زیادہ غیر مستحکم ہو گئی ہے، کیونکہ کسی بھی پارٹی یا گروپ کے پاس پارلیمنٹ میں اکثریت نہیں ہے۔
صدر میکرون کا پچھلے سال فوری پارلیمانی انتخابات کروانے کا فیصلہ بحران کو مزید بڑھا گیا، کیونکہ اس سے پارلیمنٹ اور بھی زیادہ تقسیم شدہ ہو گئی۔ میکرون نے پچھلے ماہ سابق وزیر دفاع لیکورنُو کو یہ عہدہ سونپا، اور یہ دو سال میں ان کے پانچویں وزیر اعظم تھے۔
لیکورنُو کے استعفیٰ کے بعد نیشنل رالی کے سربراہ جورڈن بارڈیلا نے کہا استحکام کے لیے صرف انتخابات اور نیشنل اسمبلی کے تحلیل ہونے کے بعد ہی ممکن ہے۔
سخت بجٹ منظور کروانے کا مشکل کام
لیکورنُو کو ایک تقسیم شدہ پارلیمنٹ میں اگلے سال کے لیے سخت مالیاتی بجٹ کی منظوری حاصل کرنے کا مشکل کام درپیش تھا۔
ان کے دو فوری پیش رو، فرانسوا بیرو اور میشل بارنیئر، بجٹ پر پارلیمنٹ میں اختلاف کی وجہ سے عہدے سے ہٹا دیے گئے تھے۔ گزشتہ ہفتے سرکاری اعداد و شمار سے ظاہر ہوا کہ فرانس کا عوامی قرضہ ریکارڈ سطح پر پہنچ گیا ہے۔
لیکورنُو کے استعفیٰ کے بعد پیرس کا کیک 40 انڈیکس 1.5 فیصد گر گیا، جو یورپ میں سب سے کمزور کارکردگی دکھانے والا انڈیکس تھا، جب کہ بینکنگ کے حصص شدید دباؤ میں آئے، جس سے بی این پی پیریباس، سوسائٹی جنرل اور کریڈٹ ایگریکول کے حصص 4 سے 5 فیصد کم ہو گئے۔
یورو کی قیمت دن کے دوران 0.7 فیصد کمی کے ساتھ $1.1665 پر آ گئی۔
فرانس کا قرض-سے-جی ڈی پی تناسب اب یونین میں یونان اور اٹلی کے بعد تیسرے نمبر پر ہے، اور یہ یورپی یونین کے قوانین کے تحت اجازت شدہ 60 فیصد کے تقریباً دو گنا کے قریب ہے۔
گزشتہ حکومتوں نے پچھلے تین سالانہ بجٹ پارلیمنٹ کے ووٹ کے بغیر منظور کروا دیے تھے، ایک طریقہ جو آئین کے تحت جائز ہے لیکن حزب اختلاف کی جانب سے شدید تنقید کا نشانہ رہا۔
لیکن لیکورنُو نے پچھلے ہفتے وعدہ کیا تھا کہ قانون سازوں کو بجٹ بل پر ووٹ کا موقع دیا جائے گا۔
فرانس پچھلے سال جون میں میکرون کے فوری پارلیمانی انتخابات پر داؤ لگانے کے بعد سے سیاسی جمود کا شکار ہے، جس کا مقصد ان کی اختیار میں اضافہ کرنا تھا۔ یہ حکمت عملی ناکام رہی اور میکرون کے اتحادی گروپ کو اسمبلی میں اقلیت میں چھوڑ دیا۔
