Plane crash in Alaska, US, kills all 10 people
امریکی کوسٹ گارڈ نے جمعے کو ایک چھوٹے طیارے کا ملبہ برفیلے سمندر سے دریافت کیا، جو ایک روز قبل اچانک حادثے کا شکار ہو گیا تھا۔ اس حادثے میں جہاز میں سوار تمام 10 افراد ہلاک ہو گئے۔
کوسٹ گارڈ کے ترجمان مائیک سالرنو نے بتایا کہ امدادی ٹیم کے دو غوطہ خور جب تباہ شدہ طیارے کے ملبے تک پہنچے تو انہیں اندر تین لاشیں نظر آئیں۔ باقی سات افراد کے بھی ملبے میں ہی موجود ہونے کا امکان ہے۔ سالرنو نے افسوس کا اظہار کرتے ہوئے کہا کہ ” بدقسمتی سے ایسا نہیں لگتا کہ اس حادثے میں کوئی بھی زندہ نہیں بچا ہے۔”
Photo-AP
یہ ملبہ الاسکا کے شہر نوم سے 34 میل (55 کلومیٹر) جنوب مشرق میں پایا گیا۔ کوسٹ گارڈ نے برف میں دبے ہوئے ملبے کی تصویر بھی جاری کی، جس میں ریکوری ٹیم کے دو اہلکار نظر آ رہے ہیں۔
یہ طیارہ جمعرات کی شام 4 بجے الاسکا کے علاقے انالکلیٹ سے روانہ ہوا تھا، جس میں ایک پائلٹ سمیت نو مسافر سوار تھے اور یہ نوم جا رہا تھا۔ پرواز کے دوران، طیارہ اچانک اونچائی اور رفتار کھو بیٹھا اور سمندر میں گر گیا۔
کوسٹ گارڈ کے افسر بنجمن میکانٹائر کوبل نے بتایا کہ “ریڈار کے اعداد و شمار سے پتہ چلتا ہے کہ طیارے نے تیزی سے اونچائی اور رفتار کھوئی، لیکن حادثے کی اصل وجہ کا تعین نہیں ہو کیا جاسکا۔” خراب موسم کو بھی حادثے کی ممکنہ وجہ سمجھا جا رہا ہے۔
