پاکستان فٹبال فیڈریشن نے فیفا ورلڈ کپ 2026 کیلئے حتمی اسکواڈ کا اعلان کر دیا
اردو انٹرنیشنل ( مانیٹرنگ ڈیسک )پاکستان فٹبال فیڈریشن نے فیفا ورلڈ کپ 2026 کوالیفائر راؤنڈ 2 کیلئے حتمی اسکواڈ کا اعلان کر دیا، پاکستان ٹیم 16 نومبر کو میزبان سعودی عرب کیخلاف ایکشن میں ہوگی،تاجکستان کے خلاف ہوم میچ جناح سٹیڈیم اسلام آباد میں ہوگا.
Presenting our squad for the upcoming FIFA World Cup Qualifier matches against 🇸🇦 and 🇹🇯#pakistanfootball #dilsayfootball #shaheens #weare26 pic.twitter.com/F8qvaQ1fhb
— Pakistan Football Federation (@TheRealPFF) November 10, 2023
پاکستان کے منتخب سکواڈ میں گول کیپر یوسف بٹ، سلمان الحق اور حسن علی، ڈیفینڈر عبداللہ اقبال، حسیب خان، مامون موسیٰ خان، محب اللہ، محمد سہیل، محمد صدام، جنید شاہ، راؤ عمر حیات اور محمد حمزہ منیر، مڈ فیلڈرز راہس نبی، عالمگیر غازی، رجب علی، علی عزیر، عمران کیانی اور ہارون حامد،فارورڈ شائق دوست، اوٹس خان، فرید اللہ، عبدالصمد ارشد، محمد ولید خان اور عدیل یونس شامل ہیں۔
ٹیم آفیشلز اسٹیفن کانسٹینٹین (ہیڈ کوچ)، راجیریو راموس (گول کیپر کوچ)، کلاڈیو الٹیری (پرفارمنس کوچ)، محمد علی خان (منیجر)، اعظم خان (ڈاکٹر)، محمد عبداللہ (فزیو)، حیدر علی (میڈیا) اور عبدالقیوم (مسیر) بھی سکواڈ کے ہمراہ ہوں گے۔
پاکستان ٹیم 11 نومبر کو سعودی عرب روانہ ہوگی، بیرون ملک سے آنے والے کھلاڑی سعودی عرب میں ہی ٹیم کو جوائن کریں گے۔
