پی ایس ایل 9: پشاور زلمی نے آفیشل ترانہ جاری کر دیا
اردو انٹرنیشنل(اسپورٹس ڈیسک )تفصیلات کے مطابق پاکستان سپر لیگ (پی ایس ایل) کی فرنچائز پشاور زلمی نےٹی ٹوئنٹی ٹورنامنٹ کے سیزن 9 سے قبل اپنا آ فیشل ترانہ جاری کر دیا ہے۔
ترانہ ظہور اور اسفند یار اسد کے ساتھ عبداللہ صدیقی نے لکھا اور پروڈیوس کیامعروف اداکار ہانیہ عامر اور زلمی کے کپتان بابر اعظم بھی ترانے کی ویڈیو میں موجود ہیں۔
دریں اثنا، افتتاحی تقریب آج ہفتہ کو لاہور کے قذافی اسٹیڈیم میں لاہور قلندرز اور اسلام آباد یونائیٹڈ کے درمیان پہلے میچ سے قبل ہوگی۔
علی ظفر، آئمہ بیگ، عارف لوہار اور نوری شاندار افتتاحی تقریب میں پرفارم کریں گے۔ اس دوران آتش بازی اور لیزر شو بھی ایونٹ کا حصہ ہوگا۔
گیٹس شائقین کے لیے 3:30 بجے کھلیں گے، تقریب 6:30 بجے شروع ہوگی۔
واضح رہے کہ پی ایس ایل 9 کا انعقاد چار شہروں کراچی، لاہور، ملتان اور راولپنڈی میں ہوگا، ایونٹ کا فائنل 18 مارچ کو کراچی کے نیشنل بینک اسٹیڈیم میں ہوگا۔
لاہور قلندرز اور کراچی کنگز کے درمیان انتہائی متوقع ٹاکرا 24 فروری اور 9 مارچ کو شیڈول ہے۔ قذافی اسٹیڈیم 24 فروری کو ہونے والے میچ کی میزبانی کرے گا .
