پی سی بی نے انڈر 19 ورلڈ کپ اور سہ ملکی سیریز کیلئے اسکواڈ کا اعلان کر دیا

پاکستان کرکٹ بورڈ (پی سی بی) نے تین ملکی سیریز اور آئی سی سی انڈر 19 ورلڈ کپ کے لیے پاکستان انڈر 19 ٹیم کا اعلان کر دیا ہے فرحان یوسف ٹیم کی قیادت جاری رکھیں گے جبکہ عثمان خان کو نائب کپتان مقرر کیا گیا ہے۔

پاکستان، افغانستان اور میزبان زمبابوے کے درمیان تین ملکی سیریز 25 دسمبر سے 6 جنوری تک کھیلی جائے گی، جبکہ آئی سی سی انڈر 19 ورلڈ کپ 15 جنوری سے 6 فروری تک نمیبیا اور زمبابوے میں منعقد ہوگا۔

دونوں ایونٹس 50 اوور فارمیٹ میں ہوں گے اور قومی انڈر 19 ٹیم سہ ملکی سیریز میں کم از کم چار میچز کھیلے گی۔

پاکستان انڈر 19 سکواڈ میں فرحان یوسف، عثمان خان، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب، مومن قمر، محمد صیام، محمد شایان، نقاب شفیق اور سمیر منہاس شامل ہیں۔