اردوانٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) نے پیر کو اعلان کیا کہ انتہائی متوقع آئی سی سی مینز چیمپئنز ٹرافی 2025 کے ٹکٹ 28 جنوری سے فروخت ہونے والے ہیں۔
تفصیلات کے مطابق ٹکٹوں کی قیمتیں تین میزبان شہروں کراچی، لاہور اور راولپنڈی میں سیٹنگ کیٹیگری اور میچز کے لحاظ سے بھی مختلف ہیں۔
ٹکٹ کی کم از کم قیمت 1,000 رہپے رکھی گئی ہے، جبکہ سب سے زیادہ ٹکٹ کی قیمت 25,000 روپے ہے۔
ٹکٹیں متعدد کیٹیگریز میں دستیاب ہوں گی، بشمول جنرل انکلوژر، فرسٹ کلاس، پریمیم، وی آئی پی، وی وی آئی پی اور گیلری، اس بات کو یقینی بناتے ہوئے کہ شائقین اپنی ترجیحات کے مطابق ایک آپشن کا انتخاب کرسکیں۔
دوسرا سیمی فائنل، جو 5 مارچ کو ہونے والا ہے، جس میں زیادہ ہجوم آنے کی توقع ہے، اس کی بنیادی قیمت زیادہ ہوگی، ان میچوں کی کم از کم ٹکٹ 2,500 روپے رکھی گئی ہے، جبکہ سب سے زیادہ ٹکٹ 25,000 روپے ہے۔
چیمپئنز ٹرافی 2025 کا افتتاحی میچ، جو پاکستان اور نیوزی لینڈ کے درمیان 19 فروری کو کراچی میں کھیلا جانا ہے، اس میچ کے لیے کم از کم ٹکٹ 2,000 پاکستانی روپے مقرر کی گئی ہیں۔
دریں اثنا، 20 فروری، 23 اور 2 مارچ کو دبئی میں کھیلے جانے والے ہندوستانی میچوں کے لیے ٹکٹنگ کا ڈھانچہ اور فروخت کی تاریخ بھی بعد میں شیئر کی جائے گی۔
جبکہ 9 مارچ کو کھیلے جانے والے بلاک بسٹر فائنل کے ٹکٹوں کی قیمتوں کا فیصلہ پہلے سیمی فائنل کے اختتام کے بعد کیا جائے گا۔
