پیرس اولمپکس: ٹرائیتھلون مقابلوں کے لیے دریائے سین کاپانی کلیئر قرار دے دیا گیا

اردو انٹرنیشنل اسپورٹس ویب ڈیسک تفصیلات کے مطابق فرانس کے دارالحکومت پیرس میں واقع دریائے سین کے پانی کو ٹرائیتھلون مقابلوں کے لیے کلیئر قرار دے دیا گیا ہے۔

میڈیا رپورٹس کے مطابق دریائے سین میں آج ٹرائی تھلون کا مینز اینڈ ویمنز سوئمنگ ایونٹ ہو گا۔

منتظمین کا کہنا ہے کہ واٹر ٹیسٹنگ میں پانی کی کوالٹی مقابلوں کے لیے موزوں ہے۔ بارشوں کی وجہ سے دریائے سین کے پانی کی کوالٹی سوئمنگ کے قابل نہیں رہی تھی۔

واضح رہے کہ دریائے سین میں واٹر کوالٹی خراب ہونے کی وجہ سے مقابلوں میں ایک روز کی تاخیر ہوئی تھی۔

اس کے علاوہ دریائے سین میں آلودگی کی وجہ سے پریکٹس سیشنز بھی انتظامیہ کو منسوخ کرنا پڑے تھے۔