اردو انٹرنیشنل اسپورٹس ویب ڈیسک تفصیلات کے مطابق دو ہفتوں کے دلچسپ کھیلوں کے بعد، پیرس 2024 کے اولمپکس کی اختتامی تقریب کے لیے تیار یاں کر رہا ہے ۔
یہ تقریب اتوار 11 اگست کو اسٹیڈ ڈی فرانس میں ہو گی جہاں اولمپکس کے دوران ایتھلیٹکس اور رگبی سیون جیسے مقابلوں کا انعقاد کیا گیا ۔ تقریب یہ 8:00 بجے شروع ہوگی اور 10:30 بجے ختم ہوگی ۔
تاہم دلچسپ بات یہ ہے کہ اس تقریب میں ہالی ووڈ فلم سٹار ٹام کروز کی شرکت کی افواہیں گرم ہیں لیکن انتظامیہ نے ابھی تک ان کی شرکت کی تصدیق نہیں کی .تقریب میں پیرس باضابطہ طور پر ٹارچ کو لاس اینجلس منتقل کرے گا، جو کہ 2028 میں سمر اولمپکس کی میزبانی کرنے والا اگلا شہر ہے اور یہی وہ ممکنہ جگہ ہوسکتی ہے جہاں ہالی ووڈ سٹار (ٹام کروز) نمایاں ہوں .
اختتامی تقریب میں رقاصوں، سرکس کے فنکاروں کی پرفارمنس کے علاوہ فرانس اور امریکہ کے مشہور اداکار شامل ہوں گے۔ اسنوپ ڈوگ فرانسیسی فنکاروں ایئر اور فینکس کے ساتھ پرفارم کریں گے۔
آرٹسٹک ڈائریکٹر تھامس جولی نے شو کا نام “ریکارڈز” رکھا ہے۔یہ سامعین کو ایک سائنس فکشن تھیم کے ساتھ ایک تخلیقی سفر پر لے جائے گا،شو کا آغاز اولمپک گیمز کے آغاز کی کھوج سے ہوگا اور پھر ایک ایسے مستقبل کی طرف بڑھے گا جہاں اولمپکس اب موجود نہیں ہیں اور اسے دوبارہ تخلیق کرنے کی ضرورت ہے۔
