پاکستان بمقابلہ بنگلہ دیش: سعود شکیل نے پاکستان کا 65 سال پرانا ریکارڈ برابر کر دیا

اردوانٹرنیشنل(اسپورٹس ڈیسک) تفصیلات کے مطابق پاکستان کے ٹیسٹ نائب کپتان نے راولپنڈی کرکٹ اسٹیڈیم میں بنگلہ دیش کے خلاف پہلے ٹیسٹ کی پہلی اننگز کے دوران طویل ترین فارمیٹ میں 1000 رنز مکمل کر لیے۔

وہ صرف 20 اننگز میں یہ کارنامہ انجام دیتے ہوئے ٹیسٹ کرکٹ میں 1000 رنز مکمل کرنے والے مشترکہ طور پر سب سے تیز پاکستانی بلے باز بن گئے۔

یہ کامیابی انہیں سعید احمد کے برابر کر دیتی ہے، جنہوں نے 1959 میں آسٹریلیا کے خلاف کراچی ٹیسٹ کے دوران اپنی 20 ویں ٹیسٹ اننگز میں 1000 رنز بنائے۔

سعود اور سعید کے بعد صادق محمد اس فہرست میں شامل ہیں جنہوں نے 22 اننگز میں یہ کارنامہ انجام دیا جب کہ جاوید میانداد نے 23 اننگز میں یہ رنز بنائے توفیق عمر، عبداللہ شفیق اور عابد علی 24 اننگز میں پہنچ پائے.