اردو انٹرنیشنل (اسپورٹس ویب ڈیسک) تفصیلات کے مطابق برطانیہ میں پاکستانی ہائی کمشنر ڈاکٹر محمد فیصل کی جانب سے اسکوٹش جونیئرچیمپین شپ جیتنے والے پاکستانی کھلاڑیوں کے اعزاز میں تقریب منعقد کی گئی۔اسکوٹش جونیئراوپن چیمپین جیتنے والے پاکستانی کھلاڑی اذان علی، ماہنورعلی،مہوش علی، سحرش علی اور سہیل عدنان کو برطانیہ میں پاکستانی ہائی کمشنر ڈاکٹر محمد فیصل کی جانب سے مبارکباد پیش کی گئی ۔
پاکستانی ہائی کمشنر نے کہا مجھے یقین ہے کہ یہ باصلاحیت نوجوان کھلاڑی ہمیں اسی شاندار دور میں لے جائیں گے جہاں پاکستانی کھلاڑیوں نےاسکواش کے کھیل پر حکمرانی کی۔
پاکستانی ہائی کمشنر ڈاکٹر محمد فیصل نے کھلاڑیوں کی سپورٹ پر مسلم ہینڈز اور دیگر سپانسرز کا شکریہ ادا کیا۔ انہوں نے کہا کہ میں یہ بھی زور دوں گا کہ یہ کھلاڑی تعلیم میں بھی کمال حاصل کریں کیونکہ ہمارا نوجوان ہی خوشحال پاکستان کا ذریعہ ہے۔
اسکوٹش جونیئر اوپن چیمپین اذان علی نے اپنی جیت پاکستان میں اسکولوں سے باہر بچوں کے نام کی۔
