پاکستان کرکٹ ٹیم ٹی ٹوئنٹی ورلڈ کپ کے لیے سری لنکا روانہ

لاہور: پاکستان کرکٹ ٹیم آئی سی سی مینز ٹی ٹوئنٹی ورلڈ کپ میں شرکت کے لیے لاہور سے سری لنکا کے لیے روانہ ہوگئی ہے۔

قومی اسکواڈ 15 کھلاڑیوں پر مشتمل ہے جس کی قیادت سلمان علی آغا کر رہے ہیں ٹیم میں بابر اعظم، فخر زمان، فہیم اشرف، خواجہ محمد نافع، ابرار احمد سمیت محمد نواز، محمد سلمان مرزا، نسیم شاہ، صاحبزادہ فرحان، صائم ایوب، شاداب خان، شاہین شاہ آفریدی، عثمان خان اور عثمان طارق شامل ہیں۔

پاکستان ٹیم سری لنکا پہنچ کر آج اور کل مکمل آرام کرے گی جبکہ 4 فروری کو آئرلینڈ کے خلاف وارم اپ میچ کھیلے گی قومی ٹیم گروپ اے میں بھارت، نمیبیا، نیدرلینڈز اور امریکا کے ساتھ شامل ہے۔

واضح رہے کہ حکومت پاکستان نے بنگلہ دیش کے ساتھ یکجہتی کے اظہار کے پیش نظر بھارت کے خلاف 15 فروری کو ہونے والے میچ میں شرکت سے روک دیا ہے۔