اردوانٹرنیشنل (اسپورٹس ڈیسک) تفصیلات کے مطابق کامران غلام کی شاندار نصف سنچری، اس کے بعد شاہین شاہ آفریدی کی 4 وکٹ کی بدولت پاکستان نے جمعرات کو نیو لینڈز میں تین میچوں کی سیریز کے دوسرے ون ڈے میں جنوبی افریقہ کو 81 رنز سے شکست دے دی۔
اس فتح نے پاکستان کو سیریز میں 2-0 کی ناقابل تسخیر برتری دلا دی، آخری ون ڈے اتوار کو جوہانسبرگ میں کھیلا جائے گا۔
مشکل ہدف 330 رنز کا تعاقب کرتے ہوئے، پروٹیز کی بیٹنگ یونٹ ہینرک کلاسن کی 97 رنز کی اننگز کے باوجود معمولی 248 رنز پر ڈھیر ہوگئی۔
وکٹ کیپر بلے باز نے 74 گیندوں پر8 چوکوں اور 4 چھکوں کی مدد سے شاندار 97 رنز کے ساتھ ہوم سائیڈ کے لیے تنہا جنگ لڑی۔
ان کے علاوہ اوپننگ بلے باز ٹونی ڈی زورزی رنز کے تعاقب میں 34 رنز کے ساتھ دوسرے نمایاں رنز بنانے والے کھلاڑی تھے۔
گرین شرٹس کے لیے شاہین نمایاں باولر تھے، جنہوں نے 4/47 کے اعداد و شمار حاصل کیے، اس کے بعد نسیم شاہ، جنہوں نے اپنے 8.3 اوور میں 3 اورابرار احمد نے دو کھلاڑیوں کو آوٹ کیا.
پہلے بیٹنگ کرتے ہوئے، گرین شرٹس نے اپنی اننگز کا مایوس کن آغاز کیا کیونکہ ان کے اوپنر عبداللہ شفیق بورڈ پر صرف 5 رنز کے ساتھ پہلے اوور میں 2 گیندوں پر صفر پر آوٹ ہوگئے۔
ابتدائی دھچکے کے بعد، اسٹار بلے باز بابر اعظم نے آخری میچ کے سنچری صائم ایوب (25) کے ساتھ 48 رنز کی اہم شراکت داری کی، جو 10ویں اوور میں اوپنر کے آؤٹ ہونے تک جاری رہی۔
اس کے بعد بابر کو کپتان محمد رضوان نے درمیان میں جوائن کیا اور دونوں نے مل کر تیسری وکٹ کے لیے 115 رنز کی میچ ڈیفائننگ شراکت قائم کی، جس میں دونوں بلے بازوں نے اپنی نصف سنچریاں اسکور کیں۔
آل راؤنڈر اینڈائل پھہلوکوایو نے بالآخر 33ویں اوور میں بابر کو مڈ وکٹ پر کیچ کروا کر آوٹ کر دیا.
اسٹار بلے باز نے 95 گیندوں پر7 چوکوں کی مدد سے 73 رنز بنائے۔
دریں اثنا، رضوان اس کے بعد سلمان علی آغا کے ساتھ 24 رنز کی مختصر شراکت میں شامل تھے، اس سے پہلے کہ وہ 36 ویں اوور میں کوینا مافاکا کا شکار ہو گئے۔
وکٹ کیپر بلے باز 82 گیندوں پر 80 رنز کے ساتھ پاکستان کے لیے ٹاپ اسکورر رہے، انہوں نے 3 چھکوں سمیت 10 چوکے لگائے۔
چھٹے نمبر پر بیٹنگ کے لیے آکر، کامران نے پاکستان کی بیٹنگ مہم کی باگ ڈور اپنے ہاتھ میں لے لی۔
دائیں ہاتھ کے بلے باز نے 32 گیندوں پر 63 رنز کی اننگز میں 4 چوکے اور 5 چھکے لگائے۔
وہ آخری اوور کی پہلی گیند پر آؤٹ ہونے سے قبل سلمان علی آغا (33)، محمد عرفان خان (15) اور شاہین شاہ آفریدی (16) کے ساتھ اہم شراکت داری میں بھی شامل تھے۔
جنوبی افریقہ کی جانب سے، مافاکا نے 4 اور جانسن نے 3وکٹ حاصل کیں.
