اردو انٹرنیشنل اسپورٹس ویب ڈیسک تفصیلات کے مطابق نشتر پارک سپورٹس کمپلیکس میں پاکستان تائیکوانڈو فیڈریشن کے زیر اہتمام انڈر 17 جونیئر نیشنل تائیکوانڈو چیمپئن شپ کے افتتاحی روز پاک فوج کا غلبہ رہا۔
افتتاحی تقریب میں پاکستان میں کورین بزنس کمیونٹی کے صدر مسٹر کم گوبونگ اور پنجاب تائیکوانڈو ایسوسی ایشن کے سیکرٹری پلاننگ اینڈ ڈویلپمنٹ اور سرپرست اعلیٰ ڈاکٹر آصف طفیل سمیت قابل ذکر شخصیات نے شرکت کی۔
پاکستان آرمی 3 گولڈ، 1 سلور اور 1 برانز میڈل جیت کر پہلی پوزیشن حاصل کر کے ٹاپ پرفارمر بن کر ابھری۔ سندھ 1 گولڈ اور 4 سلور میڈل کے ساتھ دوسرے نمبر پر رہا جبکہ واپڈا نے 1 گولڈ اور 1 برانز میڈل کے ساتھ تیسری پوزیشن حاصل کی۔
