نیشنل ویمنز فٹ بال چیمپیئن شپ: کراچی سٹی ایف سی اور لیگیسی ایف سی نے فائنل کے لیے کوالیفائی کر لیا

اردو انٹرنیشنل اسپورٹس ویب ڈیسک تفصیلات کے مطابق لیگیسی ایف سی اور کراچی سٹی ایف سی نے نیشنل ویمنز کلب چیمپئن شپ 2024 کے فائنل میں جگہ بنا لی۔ جناح اسٹیڈیم اسلام آباد میں کھیلے جانے والے پہلے سیمی فائنل میچ میں لیگیسی ایف سی نے کراچی یونائیٹڈ کو 6-0 سے شکست دے کر فائنل کیلئے کوالیفائی کرلیا ۔اس میچ میں ایمان مصطفیٰ چار گول کر کے پلیر آف دی میچ قرار پائیں جبکہ کائنات بخاری نے دو گول اسکور کیے.

دوسرے سیمی فائنل میں کراچی سٹی ایف سی نے اپنی بہترین صلاحیتوں کا مظاہرہ کرتے ہوئے ہزارہ کوئٹہ کو 8-0 سے شکست دی۔ زہمینہ ملک اور سوہا ہیرانی نے دو دو جبکہ نادیہ، زلفیہ، ثناء اور علیزہ نے ایک ایک گول کیا۔

نیشنل ویمنز کلب چیمپئن شپ 2024 کا فائنل کراچی سٹی ایف سی اور لیگیسی ایف سی کے درمیان 10 اگست (ہفتہ) کو رات 8:30 بجے جناح فٹبال اسٹیڈیم میں ہوگا۔