میرے بیٹے نے بانی چیئرمین پی ٹی آئی کے خلاف بیان دیا جس سے اتفاق نہیں کرتی،والدہ عثمان ڈار
اردو انٹرنیشنل (مانیٹرنگ ڈیسک)تحریک انصاف کے سابق رہنما عثمان ڈار کی والدہ ریحانہ امتیاز ڈار نے کہا ہے کہ میں نے بیٹے سے کہا مر کر آ جاتے عمران خان کیخلاف بیان نہ دیتے۔
انہوں نے نجی ٹی وی چینل سے گفتگو کرتے ہوئے کہا کہ میں نے اپنی اولاد کو ہمیشہ سچ کا ساتھ دینے کا درس دیا ہے، لیکن جو بیان میرے بیٹے نے بانی تحریک انصاف کیخلاف دیا ہے میں اسے نہیں مانتی۔
ریحانہ امیتاز نے کہا کہ میرے سیاست میں آنے کیلئے کوئی مقاصد نہیں ہیں،میرے بیٹے نے سابق چیئرمین پی ٹی آئی کے خلاف بیان دیا جس سے اتفاق نہیں کرتی۔
دوسری جانب پروگرام میں خواجہ آصف کا کہنا تھا کہ ریحانہ امتیاز ڈار کہہ رہی ہیں کہ بیٹے سے زبردستی انٹرویو لیا گیا ، اگر عثمان سے زبردستی انٹر ویو لیا گیا تو پھر وہ ابھی تک خاموش کیوں ہے خود اس بات کا اقرار کیوں نہیں کرتا۔
