محمد صلاح کا سابق ساتھی احمد رفعت کی وفات پر ٹویٹ

اردو انٹرنیشنل اسپورٹس ویب ڈیسک تفصیلات کے مطابق صلاح کی ٹیم کے سابق ساتھی احمد رفعت 31 سال کی عمر میں دل کا دورہ پڑنے سے انتقال کرگئے .ان کی موت کے بعد محمد صلاح نے خراج تحسین پیش کیا .

رفعت جنہوں نے 2013 اور 2022 کے درمیان مصر کے لیے سات سینیئر مقابلوں میں دو گول کیے تھے ، مارچ میں ایک کھیل کے دوران میدان میں گر گئے تھے۔

رفعت مصری پریمیئر لیگ میں التحاد اسکندریہ کے خلاف ماڈرن فیوچر ایف سی کی طرف سے کھیل رہے تھے جب وہ اچانک زمین پر گر گئے اور انہیں ہسپتال لے جایا گیا۔
اس کے بعد انہیں انتہائی نگہداشت(آئی سی یو) میں رکھا گیا اور ایک ماہ بعد انہیں پیس میکر لگا کر ہسپتال سے ڈسچارج کردیا گیا ، لیکن افسوس کی بات ہے کہ ہفتہ کی صبح ان کا انتقال ہوگیا۔

لیورپول اسٹار صلاح نے ہفتے کی المناک خبر پر رد عمل کا اظہار کرتے ہوئے رفعت کے اہل خانہ کو سپورٹ کا پیغام بھیجا۔

صلاح نے ٹویٹ کیا: ‘بقا خدا کے لیے ہے، اور خدا ان کے خاندان اور ان کے تمام چاہنے والوں کو صبر دے۔’