اردو انٹرنیشنل (اسپورٹس ویب ڈیسک) تفصیلات کے مطابق ایپسوچ اور چیلسی کے درمیان پریمیئر لیگ کے میچ میں ایپسوچ کے کے اسٹرائیکر لیام ڈیلپ نے ایک غیر معمولی کارکردگی کا مظاہرہ کرتے ہوئے اپنی ٹیم کو پریمیئر لیگ کی پہلی ہوم جیت دلائی، جبکہ چیلسی کی مشکلات مزید بڑھ گئیں۔
ڈیلپ نے میچ کے 12ویں منٹ میں پنالٹی پر گول کیا۔ یہ پنالٹی اس وقت دی گئی جب گول کیپر فلپ یورگینسن نے ڈیلپ کو ڈریبل کرتے وقت روکنے کی کوشش کی۔ وی اے آر کے فیصلے نے یہ پنالٹی درست قرار دی۔
دوسرے ہاف کے آغاز میں، ڈیلپ نے چیلسی کے دفاع کی ایک غلطی کا فائدہ اٹھاتے ہوئے ہوماری ہچنسن کے لیے گول کا موقع پیدا کیا، جس سے ایپسوچ کی برتری 2-0 تک بڑھ گئی ۔
Photo-Getty Images
دوسری جانب ،چیلسی نے میچ کے دوران کھیل پر اپنا غلبہ رکھا لیکن وہ گول کرنے میں ناکام رہی۔ جواؤ فیلکس کے گول کو وی اے آر کے ذریعے آف سائیڈ قرار دیا گیا، جس سے چیلسی کی مشکلات مزید بڑھ گئیں اور آخر میں میچ کا فیصلہ 2-0 سے یکطرفہ طور پر ایپسوچ کے حق میں چلا گیا۔
ایپسوچ نے اس جیت کے بعد 18ویں پوزیشن حاصل کر لی اور اب ریلیگیشن زون سے باہر نکلنے کے قریب ہے۔ جبکہ چیلسی اب پریمیئر لیگ میں چوتھے نمبر پر ہے اور لیگ لیڈرز لیورپول سے 10 پوائنٹس پیچھے ہے ۔
اینزو ماریسکا کی ٹیم کی مسلسل دوسری شکست کے بعد ٹائٹل جیتنے کی امیدیں تقریباً ختم ہو چکی ہیں، جبکہ لیورپول 10 پوائنٹس کی واضح برتری کے ساتھ مضبوط پوزیشن میں ہے۔
