ویمنز فٹ بال چیمپیئن شپ کا ٹائٹل کراچی سٹی نے اپنے نام کر لیا

اردو انٹرنیشنل اسپورٹس ویب ڈیسک تفصیلات کے مطابق نیشنل ویمنز فٹ بال کلب چیمپیئن شپ کا فائنل اسلام آباد کے جناح اسپورٹس کمپلیکس میں کھیلا گیا جہاں لیگیسی ایف سی اور کراچی سٹی ایف سی آمنے سامنے تھیں‌.

پہلے ہاف میں کراچی سٹی ایف سی کو لیگیسی ایف سی پر 2-0 کی برتری حاصل تھی .کراچی سٹی کی جانب سے پہلا گول رامین فرید نے 14ویں منٹ میں کیا
جبکہ دوسرا گول سارہ نے 28 ویں منٹ میں کیاکراچی سٹی کی جانب سے تیسرا گول ذہمینا نے 52 ویں منٹ میں کیا اور چوتھا گول ذلفیا نے 75 ویں منٹ میں کیا.

تاہم مخالف ٹیم کوئی بھی گول کرنے میں ناکام رہی اور کراچی سٹی نے ویمنز فٹ بال کلب چیمپیئن شپ 2024 کا ٹائٹل اپنے نام کیا .