Jodie Grinham becomes first pregnant woman to win Paralympic medal Photo-Getty Images
اردو انٹرنیشنل اسپورٹس ویب ڈیسک تفصیلات کے مطابق فرانس کے شہر پیرس میں جاری پیرا اولمپکس میں برطانیہ سے تعلق رکھنے والی آرچر جوڈی گرنہم نے حاملہ ہونے باوجود تمغہ جیتنے والی پہلی اتھلیٹ بن گئیں۔
میڈیا رپورٹس کے مطابق پیرا اولمپکس میں برطانوی اتھلیٹ نے ہفتہ کو انفرادی مقابلوں میں کانسی کا تمغہ جیتا تھا۔آرچر جوڈی گرنہم نے بتایا کہ وہ دوسرے بچے کی پیدائش آمد کی منتظر ہیں اور 7 ماہ کی حاملہ ہیں اور یہ میڈل میرے آنے والے بچے کیلئے ایک کھلونا ہے۔
رپورٹ کے مطابق 31 سالہ تیر انداز رواں سال کے آخر میں دوسرے بچے کی توقع کررہی ہیں، وہ اس سے پہلے ایک بیٹے کرسچن کی والدہ ہیں، گزشتہ ہفتے صحت میں خرابی کے باعث انہیں مقابلوں سے باہر کردیا تھا تاہم متاثر کن صحتیابی پر انہیں انگلینڈ کی ٹیم میں شامل کرلیا گیا ۔
