ایران نے امریکہ کو اسرائیلی تنازعات سے دور رہنے کی دھمکی دے دی

اردو انٹرنیشنل (مانیٹرنگ ڈیسک) ایران نے امریکہ کو اسرائیلی تنازعات سے دور رہنے کی دھمکی ، ایران کی مسلح افواج کے چیف آف اسٹاف جنرل محمد باقری نے ہفتے کے روز ایران کے حملے کے بعد امریکہ کو خبردار کیا ہے کہ وہ اسرائیل کی کسی بھی قسم کی فوجی کارروائی میں مدد نہ کرے۔

“ہم نے سوئس سفارتخانے کے ذریعے امریکہ کو یہ پیغام پہنچایا کہ اگر خطے میں اس کے اڈوں یا فوجی تنصیبات کے ذریعے صیہونیوں کے اگلے جارحانہ اقدامات میں امریکہ کا کوئی عمل دخل ہے اور یہ اطلاع ہمارے لیے یقینی ملے گی تو خطے میں امریکہ کی سلامتی نہیں ہو گی اور ہم اسے ایک جارح تصور کریں گے اور اسی کے مطابق جواب دیں گے۔”